Nda tichjain je redes sociales

ÁNNI NGA NʼIO CHJÍSÍNILE: Je redes sociales koaan koasenkaoná tonga kʼoati koa̱n nga kjoa ska̱nijinná. Tjínkʼa je chjotale Cristo xi tsínkui síchjén, kʼoa tjínkʼa xi kui síchjén nga fákaonajmí je xínkjín kʼoa kao miyole. Je Na̱i kui xi mele nga tsín nda si̱chjén je redes sociales, ánni nga tsín tinda kʼoaxki̱síñá kʼoa tsín tinda kuiyosíñá ngixko̱n Jeobá. Tonga, je kjoafaʼaitsjen xi tsjoá je Biblia basenkaoná nga ʼyaa jmeni xi xkón tíjna kʼoa nga tsínkui kʼoanʼia, tojo kisʼin je Jesús nga tsínkui kʼoakisʼin xi chʼaotjín (Lu 4:4, 8, 12).

JOKJI XKÓN TÍJNA:

• Nga nʼio tse nichxin nikʼayalee. Kʼianga nʼio nkjín ora nichjén je redes sociales kao Internet, tsee nichxin fáʼaná xi koa̱n kʼoasʼin si̱chjén nga xále Niná sʼiaan tsakai.

  Kjoafaʼaitsjen xi tsjoá je Biblia: Ef 5:15, 16; Flp 1:10

• Nga kui chotsenlee xi chʼaotjín. Kʼiatsa kui chótsenlee jmeni xi kjoajndí tjenkao chanjin pornografía tsjéntʼalee kʼoa tsa kjoachajngi jtsaojiaan. Tsakui kʼoéxkiaa je xo̱n xi bʼasje kʼoa jmeni xi batíotʼa ya Internet je chjota xi yátsʼi̱n tsakinyále je Niná, jaojin kʼoe tokoán.

  Kjoafaʼaitsjen xi tsjoá je Biblia: Mt 5:28; Flp 4:8

• Tsakui koatiotʼaa je foto kʼoa én xi tsín tjen ndiaale. Je ni̱ma̱ná koaanle kʼoanachaná kʼoa kui koatiotʼaa je foto kao én xi tsín tjen ndiaale ya redes sociales, tsa kʼoasʼiaan likuijin tinda kʼoaxki̱ñá kʼoa tochale si̱katéngiaa je xíngiaa.

  Kjoafaʼaitsjen xi tsjoá je Biblia: Ro 14:13; Ef 4:29

KʼIANGA JECHÓTSENLAI JE VIDEO CHÓSONNILAI JOSʼIN TICHJAIN JE REDES SOCIALES, CHÓTʼAYAJIN JOKOA̱N SʼIAIN NGA TSÍNKUI KJOA JEBI SKA̱JIN: