Jña ma bitjasʼeen Internet xi tsʼe Testigole Jeobá: Koa̱nchjénná nga ʼmiyasoán

Kʼoatʼinlai chjota nga katafaʼasʼen ya dirección chjotsená. Tjínkʼa chjota xi likui síjyo nga chjakaonajmiá kʼoa xi tsín kjoe je xo̱n xi bʼailee. Tonga tochale tsa sa tojé koasjai ya ndʼiale je dirección chjotsená tsa jme xi mele skoe̱ xi tʼatsaan. Tsa bele tokoán, koaan kʼoakʼuínlee nga katafaʼasʼen ya jw.org.

Tichjain dirección chjotsená tsa jme xi chjónangili. Koaan si̱chjain computadorale chjota axo ki̱cha̱ xi tíjnale nga kʼuínyalai jme xi tíkjonangi. Tonga je testo xi faʼaitʼa ngisa nda nga ñaki yakjoan Biblia koakonilai. Tonga tsa tsínle Internet, tʼinyalai josʼin koasjai ya jw.org jme xi mele skoe̱. Toyaa dirección xi tsʼe én kastía jña faʼaitʼa jebi kʼoa kao kʼasa én. (Tjasjai jñani “Enseñanzas bíblicas” tso kʼoa titjásʼain jñani “Preguntas sobre la Biblia” tso, kʼoa tsamaije̱ tjasjai jñani “Sobre nosotros” tso kʼoa titjásʼain jñani “Preguntas frecuentes” tso.)

Tikasaín tsa jngo xo̱n kʼoa tsa jngo kjoaʼmiya xi ya faʼaitʼa. Tichjain correoli nga tikasénlai je chjota xi ʼyaxkuin je xo̱n xi kanʼiai descargar ya Internet (archivo PDF axo EPUB). Koaan sʼiain descargar grabación xi tjío ya Internet kʼoa ya jngo disko tʼiain grabar. Jotjín libro, rebista kʼoa kao foyeto xi ñaki kjiojngo kanikasénlai jngo chjota xi kje fisʼenngindájin koaan ya kʼoétʼai ya informeli. Kʼiatsa xo̱n si̱kasaín tongisa nda tsa kʼoétʼai jaʼaínli nga ji tinikasáin. Likui koa̱n nga nʼio nkjín xo̱n si̱kasénlai jngo chjota kʼoa tsa tʼaxin dirección si̱katíui ya Internet. (Tjasjai jñani “Xo̱n kao grabación” tso.)

Takolai jme xi kjima jña xin ʼnde. Kʼoasʼin skoe̱ni je chjota xi tiʼmiyalai kao xi ʼminixatʼai nga je testigole Jeobá tjíotsoyasonní jngo tjíjtsa Sonʼnde kʼoa ngisa skoe̱chjí josʼin jtín tiyoaa (Sal. 133:1). Toyaa dirección xi tsʼe én kastía jña faʼaitʼa jebi kʼoa kao kʼasa én. (Tjasjai jñani “Noticias” tso.)

[Sén xi faʼaitʼa ya pájina 5]

(Chótʼai je xo_n xi kitjo kʼiatsa meli jchai jokjoan kisʼe)

Titjásʼain je dirección chjotse

1 Titjásʼain jñani “Xo̱n kao grabación” tso kʼoa ya tisennelai je xi meli sʼiain descargar kʼoa kʼoati koa̱n sʼiain descargar je grabaciónle.

2 Kʼianga kuisennelai ya jña “MP3” tso, yaa kʼoatsen jotjín kjoaʼmiya mani. Kʼoa tsa jngo kjoaʼmiya meli sʼiain descargar ya tisennelai joʼmi je kjoaʼmiya, kʼoa tsa meli tokuinóʼyalai ya tisennelai jña i̱ kji sén tíjna.

3 Kʼiatsa jngo xo̱n xi kjaʼaí én meli sʼiain descargar i̱ tjasjai ibi.