Jña ma bitjasʼeen Internet xi tsʼe Testigole Jeobá: Koa̱nchjénná nga kʼuínyalee chjota xi kjaʼaí én nchja̱

Takolai chjota je dirección chjotse. Kʼoatʼinlai josʼin skoéjin je én xi nchja̱ ya jñani i̱ tso: “Én xi faʼaitʼa”. (Tjío én jña tsín faʼaitʼayeje.)

Takolai jña faʼaitʼa énle. Nʼio nkjín xo̱n kao grabación faʼaitʼa xi ma ya bʼexkiaa, jolani tsa Jmé kjoanni xi bakóya je Biblia kʼoa kao A meli jchai jokjoan tjínni xi kjoakixi. Tisenne jngolai je xo̱n xi tjío kʼoa chjoéjin je én xi nchja̱ chjota jñani i̱ tso “Tʼexkiai nga én”.

Kʼoatʼinlai nga katanrʼoé jngole grabación xi tsʼe énle. Tjasjai jngui grabación kʼoa kʼoatʼinlai je chjota nga katanrʼoé choale. Kʼiatsa kjaʼaí én tichotʼayai kʼoa meli nga ngisa nda koa̱nli, koaan kʼoéxkiai je xo̱n xi kui én nroatʼa kʼoa kuinóʼyakaonilai je grabaciónle. (Tjasjai jñani “Xo̱n kao grabación” tso kʼoa titjásʼain jñani “Libro kao foyeto” tso kʼoa tsamaije̱ jñani “Rebista” tso.)

Tʼinyalai énle Niná je chjota xi jtaya. Tsa jngo chjota ska̱jin xi jtaya, koaan tako jngolai video jña faʼaitʼa jngo kapítulo xi tsʼe Biblia, tsa jngo libro, tsa jngo foyeto kʼoa tsa jngo tratado xi kui faʼaitʼa je én seña xi síchjén. (Tjasjai jñani “Xo̱n kao grabación” tso kʼoa titjásʼain jñani “Én seña” tso.)

[Én xi tjítʼa ya pájina 6]

(Chótʼai je xo_n xi kitjo kʼiatsa meli jchai jokjoan kisʼe)

Titjásʼain je dirección chjotse

1 Ya tisennelai jña i̱ kji sén tíjna nga koa̱n kuinóʼyalai (tsa jetíjna xi tsʼe énli), kʼoa tsamaije̱ chjoéjin jngui xi meli sʼiain descargar xi tjío ya jñani i̱ tso “Xi ma nʼia descargar”.

2 Kʼoa tsa kjaʼaí én meli kʼoéxkiai je xo̱n xi tichotsenlai, chjoéjin jngui én ya jñani i̱ tso “Tʼexkiai nga én”.

3 Ya tisennelai jñani i̱ tso “Xi fisani”, kʼoa tsa kjaʼaí kjoaʼmiya meli kʼoéxkiai ya tisennelai je xi tjío ya jñani i̱ tso “Isʼin faʼaitʼa”.