Josʼin si̱chjén je JW Library

NGA CHOTʼAYÁ:

• Tʼexkiai je Biblia kao testo xi nyaon nyaon maxkia.

• Tʼexkiai je Anuario, rebista kao xo̱n xi Énle Niná faʼaitʼa. Tichjáin jñani “Marcadores” tso.

• Chótʼayai jmeni xi kjoaʼa ya kjoajtín kʼoa tʼechoai.

• Chótsenlai je video.

YA KJOAJTÍN:

• Tjasjai je testo xi tísíkʼaxki̱ je ndsʼee xi tínchja̱ya. Tichjáin jñani “Historial” tso kʼiatsa meli chótsen ijngokʼalai je testo xi saje kamaxkia.

• ʼNdele nga nʼio nkjín libro chʼai̱, tichjáin je JW Library ya kjoajtínná kʼoa nga kuijndái. Aplicación jebi jeya faʼaitʼa je kjoajnda chjotse xi tsín faʼaitʼa je libro xi jndaa.

NGA ʼMIYASOÁN:

• Kʼiatsa jngo chjota ska̱jin xi mandosinle Énle Niná, takolai tsa jmeni ya JW Library kʼoa tisenkoai nga katabʼajen aplicación jebi kʼoa kao je xo̱n xi Énle Niná faʼaitʼa ya celularle kʼoa tsa tabletale.

• Tichjáin jñani “Buscar” tso kʼiatsa jngo testo meli kjoásjai, chjí je én xi meli kjoásjai.

• Takui je video. Kʼiatsa tjínle ʼndíxti chjota xi tinokjoakoai koaan tako jngolai video jñani Hazte amigo de Jehová tso. Kʼoati koa̱n koakolai je video Ánni nga machjénsíni nga chótʼayá je Biblia kʼianga koa̱n kʼoailai estudio. Kʼoa tsa kjaʼaí én male je chjota, kui video tjasjai je én xi male.

• Koaan takolai chjota jngo bersíkulole Biblia je xi kjaʼaí én xi jekʼoasʼin kichʼajain. Tjasjai je bersíkulo, tisennelai je númerole bersíkulo kʼoa xijekoa̱n tisennelai jñani jo Biblia kji nga koakoli je xi tikuini bersíkulo tonga xi kjaʼaí én.