Tosi tonda katakaná nga tichoyá

Jókji tse jetichoyá nga katafaʼai je Chjotaxále Niná. A tsejta kjimaa nga tíchókjoajinná jme kjoa xi tibitjatojiaan (Ro 8:25). Tjínkʼa je ndsʼee xi majticha, xi totaon ʼya, xi ndoyá nikatíoʼya kʼoa xi saʼnda kʼoaʼmile nga ni̱kʼien. Kʼoa tjínkʼa xi nʼio táo je chʼin xi tjínle kʼoa tsakuije̱ nga jekoanjchínga.

Jméni xi sʼiaan kʼianga tosi tonda chóyaa ninga tojme kjoa kuitjátojiaan. Machjén nga nyaon nyaon kʼoéxkiaa je Biblia kʼoa si̱kjaʼaitsjenjiaan jmeni xi bʼexkiaa ánni nga nʼio sʼe̱jnani je kjoamakjainná kʼoa kuenta sʼiaan je kjoachoya xi tjínná (2Co 4:16-18; Heb 12:2). Kʼoati si̱jélee je Jeobá nga katatsjoáná je nganʼiotsjele (Lu 11:10, 13; Heb 5:7). Jé Jeobá koasenkaoná nga tsejta koaan kʼoa nga tsjoa sʼe̱ tokoán (Col 1:11; Snt 1:1, 3).

KʼIANGA JECHÓTSENLAI JE VIDEO MACHJÉN NGA KAO KJOAKA TÓKAA: ÑAKI KʼOAKʼOÉ TOKOÁN NGA KUINJENÁ JE KJOATJAO, CHÓTʼAYAJIN KJOACHJONANGI JEBI:

• 

  Jmé kjoa xi tsín choyalee faʼainená (Ec 9:11).

• 

  Jósʼin basenkaoná je kjoabʼetsʼoa kʼianga kjoa bitjatojiaan.

• 

  Tsa tsín tikʼoakji nixánilee je Jeobá jokinʼia ngasʼa, ánni nga ndatjínni nga kui si̱kjaʼaitsjenjiaan jmeni xi koa̱nná kʼoasʼiaan.

• 

  Jméni xi koasenkaoli kʼianga tosi tonda kʼoakʼoaí tokuin nga kuinje̱li je kjoatjao.