“Je nangi kitjoʼai, ya kisʼen ndáje”

Jokji tífaʼato nó, nkjín chjotaxá xi tjíobinyakao je naxinandále Niná (Esd 6:1-12; Est 8:10-13). Nichxin xi tiyoaa ndʼaibi, kʼoati tiʼyaa nga “je nangi” tíkjojen je “ndáje” xi tíbitjoni tsʼoa je cho̱toán, xi tsonile, nga nkjín mani chjotaxá xi tjíobinyakao je naxinandále Niná nga tjíofitjenngike chjota (Ap 12:16). Je Jeobá jngoo Niná xi male bʼasjentjai, jé xosʼín nga je chjotaxá binyakao je naxinandále (Sl 68:20; Pr 21:1).

Tsa ndoyá tijnaʼyai xi totʼatsʼe kjoamakjainli, ali jaojin bʼai tokuin nga je Jeobá tísíkuindali (Gé 39:21-23; Sl 105:17-20). Ndasʼin kuichomani nga tjínli kjoamakjain kʼoa nga kixi kjimai, je choa̱li koasenkao je ndsʼee xi tjío jngo tjíjtsa Sonʼnde (Flp 1:12-14; Ap 2:10).

KʼIANGA JECHÓTSENLAI JE VIDEO JE NDSʼEE XI YA COREA TSʼE BITJONI NDOYÁ, CHÓTʼAYAJIN KJOACHJONANGI JEBI:

• Ánni nga nkjín nó tsakatioʼyani ndoyá je ndsʼee xi jmi mani xi ya Corea del Sur tsʼe.

• Ánni kisikatíondái kʼani ndsʼee je chjotaxá.

• Jmé xi koa̱n sʼiaan nga kuisenkoaa je ndsʼee xi ndoyá tjíoʼya jngo tjíjtsa Sonʼnde.

• Jmé xi koa̱n sʼiaan tsa ndái tiyoaa.

• ʼYáni xi tjínnele chʼa̱sjengʼa nga tjíonikatíondái je ndsʼee.