Jósʼin basenkaoná je canción

Jñánile je canción xi ngisasa tsjoachai xi faʼaitʼa ya JW Broadcasting^®, kʼoa ánni. A kʼoama sakʼoa jmeni xi faʼa ya video xi tsʼe música. Tjíojin je canción xi ngisa tsjoachaa nga̱ kjaʼaí kjaʼaí xi nchja̱ni nga jngó jngó kʼoa kjaʼaí kjaʼaísʼin fane. Tonga ali tsa tokuijin xá tjíoni je canción kʼoa kao video xi tsʼe música nga kʼoetsaojinná.

Je canción xi tjíoná bakóyaná josʼin kjuinkoaa yaoná kʼoa josʼin si̱tjosoán je xále Niná, tjíokʼa je canción xi kui nchja̱ni tʼatsʼe nga chjoéyaa je xíngiaa, nga jtín kuiyoaa, nga katasʼená miyo, tʼatsʼe kjoanʼiojin, kjoatsjoacha kʼoa tʼatsʼe kjoamakjain. kʼoati tjíokʼa xi kui nchja̱ni nga si̱xá ijngokʼalee je Jeobá, nga si̱chatʼalee je xíngiaa, nga kixi katamaa kʼoa jokoa̱n sʼiaan nga ngisasa tse si̱xálee je Niná. Saʼnda tíjna jngo canción xi kui nchja̱ni josʼin nga nda si̱chjén je teléfono. Jósʼin tíbasenkaoli nga noʼyalai je canción.

KʼIANGA JECHÓTSENLAI JE VIDEO XI TSʼE MÚSICA JETÍJNACHRIAN, CHÓTʼAYAJIN KJOACHJONANGI JEBI:

• Jméni xi tjíosíkjaʼaitsjenjin je ndsʼee xi jejchínga kao je chjoónle (Gé 12:3).

• Jméni xi sʼiaan nga ñaki kʼoakʼoé tokoán nga je Jeobá sitjoson jmeni xi tso.

• ʼYáni xi jeme jcha ijngokʼá.

• Nga ʼyaa jmeni xi sʼin je Chjotaxále Niná, jósʼin basenkaoná nga kaná je kjoa xi tibitjatojiaan ndʼaibi (Ro 8:25).