Josʼin sa̱kóyason sá septiembre nga Biblia kʼuínyalee chjota

Kʼianga sá septiembre kui folleto Koaan nda kuiyoaa si̱chjén nga kʼoakʼuínlee je chjota jokji tjen kʼoakoa̱nná nga koa̱n kʼuínyalee je Biblia. Nga kui sá, koaan 30 hora si̱kʼasʼeen tsa precursor auxiliar sʼin si̱xá. Jósʼin kʼuínyasoán.

• Nga tosʼa chjakaonajmí títjoán Énle Niná chjota. Kui tichjain xi faʼaitʼa ya jto̱n yátsʼi̱n je folleto nga koa̱nndosinle chjota kʼoa kʼoatʼinlai josʼin ʼmiyaa Biblia. Kʼoati kuenta tʼiain xi sa jekichjakaonajmí xi koanndosinle Énle Niná. Ninga tjínkʼa xi tsín koanmele kiskotʼaya nichxin xi jaʼato, tsakui nichxin koa̱nndosinle ndʼaibi je folleto kao josʼin ʼmiyaa je Biblia. Alikui koa̱n kjoáyoaa je folleto jñani tokjitia ndʼia kʼoa alikui koa̱n je si̱kasénlee chjota xi tsín mandosinle. Je Comité de Servicio xi tíjna ya jtín koaan kʼoendajin nga ngisa nkjín kʼa sa̱kóyason nga kui sá.

• Josasʼin kʼuínyasoán. Tsa síchjén carrito je ndsʼee nga tsoyason, kui folleto Koaan nda kuiyoaa kuinyaya. Tsa koa̱nndosinle chjota folleto jebi, kʼoatʼinlai nga kʼoati koa̱n tokjoatjao sa̱kóyale je Biblia. Tʼinya ngotjolai josʼin ʼmiyaa je Biblia kʼoa tsa maije̱ kʼoatʼinlai nga kjaʼaí nichxin kʼuínyalai. Je superintendente xi tsʼe servicio koaan kʼoakuitso kʼale je ndsʼee xi nda male tsoyason nga kʼoakatsole chjota jñani tienda tjín tsa mele nga skótʼaya Biblia. Kʼianga nokjoani je Énle Niná kʼoatʼinlai je xi ñatjen nixái kʼoa xi kjaʼaísa chjota tsa mele skótʼaya Biblia.

Je Jesús kʼoakitso nga chjotatjenngile si̱koaa je chjota kʼoa nga kʼuínyalee (Mt 28:19, 20). Mená kʼoasʼiaan jokitso Jesús nga kui folleto Koaan nda kuiyoaa si̱chjén nga kʼoakʼuínlee chjota tsa mele skótʼaya Biblia.