Tjínnele tondiaa koatiokao xínkjín xi jebixan

Je xi nda batiokao xínkjín jé Jeobá bʼasjengʼa kʼoa tsjoa satío kon (Mr 10:9). Tsakui xi mele jngo chjotale Cristo nga tsjoa sa̱tío kon kʼoa nga tondiaa koatiokao xínkjín nga kuixan, machjén nga kuenta sʼin je kjoafaʼaitsjen xi tsjoá Biblia nga skoéjin ʼya xi kuixankao.

Xi ngisa ndatjín kuinga kʼia kuixan jngo chjota nga jekafaʼato kjoaxtile, xi tsonile, nga jekafaʼato nichxin nga kui nʼio símekon nga tjín xi koájnakao, ánni nga nda skoéjinni jmeni xi sʼin (1Co 7:36). Nga sʼasa toji tijnai kʼoasʼin tichjain nichxinli nga ngisa timiyui Niná kʼoa tosi tonda tindayai yaoli nga kʼoakoa̱nkjoain josʼin mele. Tsa kʼoasʼiain, kui xi koasenkaoli nga ndasʼin kuijnai nga jekuixain.

Nga kjesa bixanjin, títjonkjoanla nda kataʼyaxkuin jokjoan kjoaixi je xi meli kuixankoai (1Pe 3:4). Tsa to jao tjín tokuin, kui cho̱bayaño kao xi meli kuixankoai jméni xi jao bʼé tokuin. Tsa meli kuixain, tikjaʼaitsjain jméni xi tijnandai nga sʼiain nga nda kuiyokao xíngio, ʼndele nga tokui chóyalai jmeni xi sʼin xi ijngo (Flp 2:3, 4). Tsa nitjosuin kjoafaʼaitsjen xi tsjoá Énle Niná nga sʼasa toji tijnai, ngisaa choa ñʼai koa̱nli nga tosi tonda si̱tjosuin kʼianga jekuixain kʼoa tsjoa sa̱tío tokon.

KʼIANGA JECHÓTSENLAI JE VIDEO JÓSʼIN KUIYONDAA KʼIATSA MENÁ KUIXAAN. XI MAJANNI: NDA CHÓSONNILAI ʼYA XI KUIXANKOAI, CHÓTʼAYAJIN KJOACHJONANGI JEBI:

• Jókoan nga tosʼa tjíotsomakao xínkjín je tichjaa kao Shane.

• Jméni xi koanjinle je tichjaa kʼianga ngisasa nda tsabexkon je Shane.

• Jósʼin tsakinyakao je xijchále kʼoa jméni xi kisʼin.