JONʼIA XI CHJOTALE CRISTO MAA
Kʼoasʼin jchatokoán yaoná josʼin bená Jeobá
“Je Jeobá sasénkon je naxinandále” (Sl 149:4). Je Jeobá kui kuenta sʼín jñani nda nʼia kʼoa jokji tjen bichó nganʼioná nga nixálee kʼoa tsínkui fini ninga chjotajée maa. Tonga sakʼoa tsín kʼoasʼin ʼyatokoán yaoná josʼin bená Jeobá. Tsakui nichxin kui nikjaʼaitsjeen josíkaoná xi kjaʼaí, tsakuije̱ nga jée tsakijnyaa ngasʼa, tsa kʼoasʼin nikjaʼaitsjeen nga tsín jme chjíná kʼoa tsa tsín bakinná nga koakoná Jeobá je kjoatsjoachale. Jméni xi koasenkaoná kʼiatsa kʼoasʼe tokoán.
Kuenta sʼiaan nga je Niná alikui kʼoasʼin síkjaʼaitsjen josʼin síkjaʼaitsjen je chjota (1Sa 16:7). Kʼianga kotsenná kui kuenta sʼín jmeni xi saʼnda tsín ʼya ñá. Je Biblia kʼoatso jmeni xi kuenta sʼín je Niná. Kʼianga kʼoéxkiaa je Biblia kao jmeni xi bʼéyanajmí koa̱njinná jokji tsjoake Jeobá je choʼndale.
KʼIANGA JECHÓTSENLAI JE VIDEO TʼEJNGUI TOKUIN NGA JEKISICHATʼALI JEOBÁ, CHÓTʼAYAJIN KJOACHJONANGI JEBI:
Jmé xi bakóyaná je choa̱le ti xi tokanacha kao choa̱le nʼaile tʼatsʼe josʼin bená je Jeobá.
Kʼiatsa jngo xi ai jée tsakajngi kʼoa jenda tíjna ijngokʼani ngixko̱n Jeobá, jméni xi kuenta sʼin nga kʼoejngo kon nga jekisichatʼa kjoaixile je Niná (1Jn 3:19, 20).
Jósʼin tsakasenkao je ndsʼee nga kui tsakʼéxkia kʼoa kisikjaʼaitsjenjin xi tʼatsʼe David kao Jehosafat.