JONʼIA XI CHJOTALE CRISTO MAA
Je xi chjotajchínga sʼin tjío nda síkuinda je naxinandále Niná
Nkjín chjota xi tsín nda bekon je xi xá tjínle, kui kʼoasʼínni nga̱ síkʼatone choa̱le jmeni xi sʼín je xi xá sʼele. Jenʼio kjoatse nga kʼoasʼín je chjota (Miq 7:3). Tonga ya jinnaxinandále Niná alikui kʼoama, nga̱ je Jeobá kʼoasʼin tsoyale je xi chjotajchínga sʼin tjío nga katasíkuinda je jtín (Est 10:3; Mt 20:25, 26).
Xi chjotajchínga sʼin tjío alikui kʼoasʼín josʼín je chjota xi xá tjínle nga ngʼakon. Tsjoake je Jeobá kʼoa kao je ndsʼee (Jn 21:16; 1Pe 5:1-3). Je xi chjotajchínga sʼin tjío kui fitjenngi josʼin bándiaa je Jesús, binyakao ngatsʼi ndsʼee nga tsjoa katasatío kon nga tjíojin naxinandále Niná kʼoa nga ngisa katamachriantʼale Niná. Ndsʼee jebi tsjoánganʼiole je choʼndale Jeobá kʼoa tokjoan binyakao je xi kjoaxkón bichóne kʼoa tsa je xi toxijña tsʼe chjinexki fikjayo. Tsa nganʼio machjénli kjitʼanangi chja̱kaonajmí je xi chjotajchínga sʼin tjío (Snt 5:14).
KʼIANGA JECHÓTSENLAI JE VIDEO XI CHJOTAJCHÍNGA SʼIN TJÍO SÍKUINDAA CHOʼNDALE NINÁ, CHÓTʼAYAJIN KJOACHJONANGI JEBI:
Jósʼin tsakasenkao Mariana nga kitsjoanganʼiole je xi chjotajchínga sʼin tjío.
Jósʼin tsakasenkao Elías nga kitsjoanganʼiole je xi chjotajchínga sʼin tjío.
Kʼianga jechótsenlai video, jósʼin nikjaʼaitsjain tʼatsʼe xá xi sʼín je xi chjotajchínga sʼin tjío.