Je Niná sikuindali
NGA tʼatsʼe Niná jaʼaini je Biblia nda kjoafaʼaitsjen tsjoáná. Ningalani tsín tʼatsʼe xki nchja̱ni, tsjoáná kjoafaʼaitsjen jokoa̱n sʼiaan kʼianga nʼio nikjáojiaan, kʼianga kui nikjaʼaitsjeen jmeni xi síkiʼaonná, nga tsín nda satío tokoán, nga sokóchʼinná kʼoa nga chʼin bʼetʼale kjoafaʼaitsjenná.
Xi ijngosani, je Biblia kʼoatso nga je Jeobáa ngisaa nda majinle josatío tokoán kʼoa josʼin nikjaʼaitsjeen. Mele sikuindaná kʼoa koasenkaoná kʼianga kjoa bitjatojiaan. Koasenkaoli jmeni xi tso Biblia, jolani nga jao texto jebi:
“Je Jeobá chrian tíjnale je xi nʼio aon tjío ni̱ma̱le; bʼasjentjai xi jekisikinroajen kon” (SALMO 34:18).
“Nga̱ an Jeobá Nináli, an titsoanʼioa je ndsai ngakixi; an xi i̱ tixinle: Ali nokjonjin. An koasenkaole” (ISAÍAS 41:13).
Jósʼin basenkaoná je Jeobá nga chókjoajinná kʼianga chʼin katʼale kjoafaʼaitsjenná. Je kjoaʼmiya xi fisani kui kuinchja̱ni nga je Jeobá mele koasenkaoná kʼoa kuinga nkjín koya kjoafaʼaitsjen tsjoániná.
a Jeobá ʼmi jaʼaínle Niná (Salmo 83:18).