Kjoañʼai xi batiojin chjota nga kjoajchán sʼe

“Ñaki tobijkonñá jmeni xi ma. ʼYañá josʼin nikʼien je chjota kʼoa josʼin miʼaon. Kʼoasʼin nikjaʼaitsjeen tsa chan ñá si̱kʼienná” (Gary, Gran Bretaña).

“Jetjíchoa̱ yándsʼian kao nkjan jñani tsʼakaona chʼinsá, tsaʼbeña kʼianga kinikʼien xtiʼndí kʼoa kao chjotajchínga. Kʼianga kjoajchán mangínjiaan alikui titsen maniná nga kjoañʼai faʼá chjota kʼoa nga nikʼien” (Wilmar, Colombia).

“Kʼianga tiʼyaa nga tínikʼien jngo chjota alikui tichajinniná. Faʼaitsjenná je kjoañʼai xi nikjaʼá, jotso nga kjiʼndáxá kʼoa nga batéjé” (Zafirah, Estados Unidos).

“Kʼoasʼin kisikjaʼaitsjen nga tsín tikʼia tsjoa sʼe̱ni tokoan. Tokuisa nikjaʼaitsjeen tsa chan ñá si̱kʼienná, tsa miyoná kʼoa tsa familianá” (Olexandra, Ucrania).

“Sakʼoa las dos nga njioya saʼnda las 11 nga manjio nga binyandiaijin kʼianga sokónajin xi chinaijin. Ñaki tobijkonñá tsa chʼinsá kʼoakaoná” (Daler, Tayikistán).

“Kʼiaa kʼien je xijchána nga kisʼe kjoajchán. Toʼansa tsakatejna, alikui tiʼya xi kisikuindanina kʼoa tsín tiʼya xi kisinʼioni tokoan” (Marie, Ruanda).