Jósʼiain nga nyaon nyaon kʼoéxkiai je Biblia

Nga nʼio tse xá tjín, a tsí maʼali nga nyaon nyaon bʼexkiai Biblia (Jos. 1:8). Tsa kʼoalani, koaan kʼuíntjenngi kjoafaʼaitsjen xi faʼaitʼa i̱bi.

• Kui alarmale teléfono tichjain ánni nga kjoaʼaítsjennili jochon kʼoéxkiai je Biblia.

• Tajnabasain je Bibliali. Kʼiatsa ñaki Biblia nichjain ya tajnai jñani nga ngotjo jchani (Deut. 11:18).

• Tinóʼyalai grabaciónle Biblia. Koaan kuinóʼyalai grabaciónle Biblia ninga tinixá kaoni. Kʼoasʼín jngo tichjaa xi Tara ʼmi, precursora sʼin tísíxá, xti tjínle kʼoa kʼiaa nga manjio síxá. Itso: “Kʼiaa nrʼoele grabaciónle Biblia kʼianga kʼoasʼian je xá xi tjín ya ndʼiana, kʼoasʼin bʼexkiaña Biblia nga nyaon nyaon ninga to nrʼoele”.

• Nyaon nyaon tʼexkiai je Biblia. Kʼiatsa totsejinni tsín kʼoakoa̱nli nga kʼoéxkiai je Biblia jme horani nga tjínndajinli, tʼexkiai ninga tojngo jao versículo nga kjesa sojnajin. Tsa kʼoasʼiain, nʼio nda koasenkaoli (1 Ped. 2:2).