JONʼIA XI CHJOTALE CRISTO MAA
A noʼyalai grabaciónle Biblia
Je grabaciónle Biblia. Ya jw.org kao ya JW Library faʼaitʼa je grabaciónle Traducción del Nuevo Mundo. Sa kjaʼaí sa kjaʼaí én kjima grabar. Kjaʼaí kjaʼaí xi sʼín grabar kʼianga jngó jngó chjota nchja̱. Ñaki nda majinná kʼianga noʼyalee josʼin sʼexkia Biblia nga̱ ñaki kʼoasʼin sʼexkia joni tsa je tjíonchja̱ chjota xi síkʼaxki̱.
Jósʼin basenkaoná nga kui grabaciónle Biblia noʼyalee. Je xi grabaciónle Biblia nrʼoéle ñaki xkon tjíobeni jme xi kjima male. Kʼianga kjaʼaí kjaʼaí chjota nchja̱ nga kjimaxkia ngisaa nda majinle jme xi tínchja̱ni je xi kjimaxkia (Pr 4:5). Kʼoa tjínkʼa xi kʼoatso nga nda satío kon kʼiatsa jme xi tjíosíkjáojin nga kui grabaciónle Biblia nrʼoéle (Sl 94:19).
Nʼio nda basenkaoná nga kui grabaciónle Biblia noʼyalee (2Cr 34:19-21). A tjín grabaciónle Biblia je én xi mali, tsa ngayeje kʼoa tsa tosʼa choa. Kʼiatsa tjín koaan kjitʼa tinóʼyalai.
KʼIANGA JECHÓTSENLAI JE VIDEO GRABACIÓNLE BIBLIA: JOSʼIN MA GRABAR (VIDEO XI TOCHOA TÍJNA), CHÓTʼAYAJIN KJOACHJONANGI JEBI:
Jméni xi ngisa tsjoachai josʼin kjima grabar je Biblia.