KJOAʼMIYA 08
Koaan miyole Jeobá koai̱n
Je Jeobá kui xi mele nga ngisa nda jchaxkuin. Kui xi mele nga ngisa koa̱nmeli nga miyole koai̱n kʼianga jchai jokjoan, jósʼín kʼoa jmeni xi tjínndajinle. Tonga, a koaan nga miyole Niná koaan (tʼexkiai Salmo 25:14). Jméni xi tjínnele sʼiain nga miyole koai̱n je Niná. Yaa Biblia tsoya xi tʼatsʼe jebi, kʼoa kʼoati tsoya nga kui xi ngisa nʼio chjíle nga miyole koai̱n je Jeobá.
1. Jméni xi tsoli je Jeobá nga sʼiain
“Tichriantʼalao Niná, kʼia kʼoati je sichriantʼano nga jon” (Santiago 4:8). Texto jebi kui xi tsonile nga kui xi mele je Jeobá nga miyole koai̱n. Tjínkʼa xi kʼoasʼin síkjaʼaitsjen nga tsín koa̱n miyole Niná koa̱n nga̱ tsín kao xko̱n tjíobeni. Je Jeobá kui xá kitsjoaniná je Biblia nga jchaa jokjoan kʼoa nga koa̱nchriantʼalee. Kʼianga bʼexkiaa jmeni xi tso je Biblia, ngisaa mamiyoaa je Jeobá ninga tsín xkoaan ʼyañá.
2. Ánni nga tojeni Jeobá xi ngisa nda miyo xi sʼe̱li
Jé Jeobá xi ngisasa tsjoakeli. Kui xi mele nga tsjoa sʼe̱ tokuin kʼoa nga kʼoakʼuínlai jmeni xi machjénli. Je Biblia itso: “Je tikʼamio ngayije kjoanikjáojinno, nga̱ je tísíkuindano” (1 Pedro 5:7). Je Jeobá tíjnandaa ngantsjai nga nrʼoéle je miyole, basenkao kʼoa sínʼiojin (tʼexkiai Salmo 94:18, 19).
3. Jméni xi mele Jeobá nga sʼin je miyole
Je Jeobá tsjoake ngatsʼi je chjota, “tonga nʼio miyole mani je chjota xi kixi” (Proverbios 3:32). Je Jeobá kui xi mele nga kui xi ndatjín kʼoakatasʼín je miyole kʼoa nga tsínkui kʼoakatasʼín je xi chʼaotjín. Tsakui nichxin tjínkʼa xi kʼoasʼin síkjaʼaitsjen nga tsínkʼia kuitjosonle jokjoansʼin mele je Jeobá. Tonga je Jeobá majinle jotjín je tokoán kʼoa miyo tsole ngatsʼi je xi ñaki tsjoake kjoaixi kʼoa je xi bʼénele yaole nga kui kʼoasʼín je xi sasénle (Salmo 147:11; Hechos 10:34, 35).
KATAʼYASAI JME XI TÍNCHJA̱NI
Kataʼyalasaa jokoa̱n sʼiaan nga miyole koaan je Jeobá, kʼoa ánni kʼoabixónsíñá nga tojesa miyo xi ngisa nda xi koa̱n sʼe̱ná.
4. Je Abrahán miyole koanni je Jeobá
Kʼianga bʼexkiaa jmeni xi tso Biblia tʼatsʼe Abrahán (xi kʼoati Abrán ʼmile) ngisaa majinná josʼin tíjna nga miyole Niná maa. Tʼexkiao xi tʼatsʼe Abrahán ya Génesis 12:1-4 kʼoa cho̱bayaño jebi:
Jméni xi kitsole je Jeobá nga katasʼín je Abrahán.
Jméni xi kitso Jeobá nga sʼin.
Jmé xi kisʼin je Abrahán.
5. Jmeni xi mele Jeobá nga sʼin je miyole
Kui xi mená nga nda katasʼín je miyoná.
Jméni xi choyalai ji nga sʼin je miyoli.
Tʼexkiao 1 Juan 5:3 kʼoa cho̱bayaño jebi:
Jméni xi koyale je Jeobá nga sʼin je miyole.
Nga si̱tjosonlee je Jeobá machjén nga si̱kʼantjaiyaa yaoná jokjoaan kʼoa tsa tsín nda timangínkoaa yaoná. Tʼexkiao Isaías 48:17, 18 kʼoa cho̱bayaño jebi:
Ánni nga kui xi menile Jeobá nga sikʼantjaiya yaole je miyole.
Jngo xi miyoná mani kʼoatsoná jmeni xi tjínnele sʼiaan nga tsín jme xi katamaná, kʼoati tsole je Jeobá xi miyole mani
6. Jósʼin basenkao Jeobá je miyole
Je Jeobá basenkao je miyole kʼianga kjoa faʼatojin. Chótsenlao VIDEO kʼoa cho̱bayaño jebi:
Jósʼin basenkao Jeobá je chjoón xi faʼa ya video kʼianga kui faʼaitsjenle jmeni xi koantʼain.
Tʼexkiao Isaías 41:10, 13 kʼoa cho̱bayaño jebi:
Jótso je Jeobá, jósʼin koasenkao je miyole.
Jósingái ji, a jé Jeobá je miyo xi ngisa nda xi koa̱n sʼe̱ná. Ánni.
Je xi ñaki miyo binyakaoná kʼianga nganʼio machjénná, je Jeobá kʼoati basenkaoná kʼianga nganʼio machjénná
7. Tsa mená nga miyoná koa̱n je Jeobá machjén nga chja̱kaonajmiá kʼoa nga kuinóʼyalee
Ngisaa mamiyoaa xíngiaa kʼianga kjitʼa chobanajmiá. Tʼexkiao Salmo 86:6, 11 kʼoa cho̱bayaño jebi:
Jósʼin chja̱kaonajmíñá je Jeobá.
Jósʼin fákaonajmíniná je Jeobá.
Kʼoasʼin chjakaonajmíñá je Jeobá kʼianga bʼetsʼoalee, kʼoa je kʼoasʼin fákaonajmíniná kʼianga bʼexkiaa je Biblia
TJÍNKʼA XI I̱ TSO: “Alikʼiala miyoná koa̱n je Niná”.
Jñánile je texto xi koakolai je chjota jñani kʼoatso nga koa̱n miyoná koa̱n je Niná.
XI KACHOTʼAYÁ
Je Jeobá mele nga miyole koai̱n kʼoa koasenkaoli nga koa̱nchriantʼalai.
Jmé xi kamajinli
Jósʼin basenkao Jeobá je miyole.
Ánni kʼoatsonile Jeobá je miyole nga katasíkʼantjaiya yaole.
Jósingái ji, a nʼio ñʼai tjín jmeni xi síjéle Jeobá je miyole. Ánni kʼoasʼin nikjaʼaitsjenni.
XI KOASENKAOSALI
Jósʼin koasenkaoli kʼianga miyole koai̱n je Niná.
“Nʼio machjén nga jchaa xi tʼatsʼe Jeobá” (La Atalaya, 15 de febrero de 2003)
Xi koa̱n sʼiaan nga miyole Niná koaan.
Kataʼyai ánni kʼoatsoni jngo chjoón nga ngisa nda tsakʼejna nga koanmiyo je Jeobá.
Kataʼyai josʼin síkjaʼaitsjen kʼa xti xi tʼatsʼe Jeobá.