KJOAʼMIYA 4
Jókoa̱n sí nga kʼoéxkiai jngo testo
Mateo 22:41-45
XI BAKÓYANÁ: Tisenkoai nga katasíkjaʼaitsjenjin je chjota nga kjesa bʼexkiajinlai jngo testo.
JÓKOA̱N SʼIAIN:
Tikjaʼaitsjain ánni nga kui testo kʼoéxkiasíni. Kʼianga kjesa bʼexkiajin jngo testo, títjonkjoanla kʼoatʼinlai je xi tichjakaonajmí jmeni xi meli kʼuínyalai.
Biblia chʼa̱ngini jmeni xi sí. Kʼianga chja̱kaonajmí je chjota xi makjainle tʼatsʼe Niná, kʼoatʼinlai nga Énle Niná je Biblia, kʼoasʼin koakoni nga tʼatsʼe Niná tínroani jmeni xi tso.
Katamandosinle je chjota testo xi kʼoéxkiai. Jngo kjoachjonangi tikʼéjnalai xi ya tsoya je testo xi kʼoéxkialai. Jngo kjoa tʼeyanajmílai xi ya Biblia tsoya josʼin sʼendajin kʼoa tsa maije̱ jngo kjoafaʼaitsjen xi tsjoá je Biblia tikʼaxki̱.