Ánni nga tojo tjínni kjoajchán kao kjoasi

NGA JÉE KICHʼÁ

Je Niná kʼoasʼin kisinda je Adán kao Eva nga kʼoakoa̱nkjoan jokjoan je, nga tsjoake koa̱n xínkjín kʼoa nga nda koaikao xínkjín (Génesis 1:27; 1 Corintios 14:33; 1 Juan 4:8). Tonga likui kisitjosonle Niná kʼoa tsakajngijée. Kʼoa nga ntje̱le maa ngatsʼiaa jée kichʼá kʼoa biyañá (Romanos 5:12). Nga jée kichʼá kui xosíkaoná nga kjoatsʼen chaniyaa jkoaa kʼoa nga sakʼoa kui kʼoanʼiañá xi chʼaotjín (Génesis 6:5; Marcos 7:​21, 22).

CHJOTAXÁ

Je Niná alikui kʼoasʼin kisindaná nga tiñá koatexomanilee xíngiaa. Ya Biblia kʼoatso nga “likui bakinle je chjota xi tsoʼba nga je koandiaale yaole” (Jeremías 10:23). Kuinga tsín manile chjotaxá nga faʼáxin kjoajchán kao kjoatsʼen.

NA̱I KAO SÉNNICHXIN XI CHʼAO KJOAN

Je Biblia kʼoatso nga “ngakijnda sonʼndebi tíjnakao na̱i” (1 Juan 5:19). Kʼoa je Na̱i chjota síkʼien (Juan 8:44). Je Na̱i kao sénnichxin xi chʼao kjoan jé xosíkao chjota nga kjoajchán batíoni kʼoa nga tsʼenni (Apocalipsis 12:​9, 12).