POPERA APE PIAT SEHAY | ȲT KATꞌI TUPANA EHAY MOMÃ KUAP
Tupana Ehay toig̃neꞌen ne tempu kahato kosap pykai
NIATPO HAP Nimuaria Tupana Ehay wan haria taꞌatuwan papiro e hawe hawyi pergaminho e hawe.a (2 Timoteu 4:13) Maꞌato pergaminho hawyi papiro waku asom Tupana Ehay tuweitykꞌi hamo.
Papiro hesaika kahatoꞌi tekꞌe kuap. Richard Parkinson hawyi Stephen Quirke teꞌeremūꞌe Esitu etiat hawyi kotā̃ iꞌatuꞌe — Anu koꞌi kosap hawyi papiro tuweityk neꞌi. Hakup kahato turān miwan koꞌi papiro kawiat taꞌatuꞌokpoꞌi puo itutig̃. Iꞌewȳte nupiꞌa sio hapiri koꞌi u kuap papiro. Iꞌewȳte āt eꞌariãty papiro momã kuap iꞌatuꞌe.
Papiro kai pergaminho mōtꞌi poꞌog̃ tuweityk hamo. Maꞌato hakup kahato sio āt eꞌariãty imehit kahato rakat pergaminho momã kuap. b Iꞌewȳte nupiꞌa imomã kuap pergaminho. Miꞌi pote popera A Escrita do Dia a Dia no Leste Greco-Romano c e hap kotā̃ e popera koꞌi etiat — Sese popera koꞌi nimuaria teꞌeruweityk taꞌyn e. Tupana Ehay piat miwan koꞌi tuweityk pote aikotā̃ me kuapꞌi tehay putꞌokꞌe kuap ahete.
ȲT KATꞌI TUPANA EHAY MOMÃ KUAP Tupana tipoꞌoro morekuaria taꞌatuwan yne popera pe Tupana piat woꞌonãpin hap koꞌi. Taꞌatuwan saꞌawyꞌi wuaria miwan koꞌi Tupana Ehay ahyt koꞌi 5 ok takaria. (Teturonamia 17:18) Iꞌewȳte iraniaꞌīn teꞌereꞌiaꞌag̃kap nug̃ popera koꞌi ete. Miꞌi pote Iesui e tempu turān sese Tupana Ehay iaꞌag̃kap koꞌi hoꞌokup Tupana Montypot Yat koꞌi pe Isareu tote hawyi Masetunia tote wy. (Iruka 4:16, 17; Pot. 17:11) Maꞌato aikotā̃ meig̃ iraniaꞌīn Tupana Ehay iaꞌag̃kap koꞌi putꞌokꞌe ahete.
Miwan koꞌi Rolos do Mar Morto e hap het rakat mītꞌīn ipuenti yahig̃ note yi kaꞌa pe. Miꞌi koꞌi tukupteꞌen ej̃am yi ag̃kuꞌi kawiat pe.
Tupana Ehay wemūꞌe hat Philip W. Comfort e hap het rakat kotā̃ e — Iuteuria taꞌatupag̃ miwan koꞌi taꞌatuꞌokpoꞌi puo ej̃am me e. Moꞌopuo Iesui mohey haria inug̃ iꞌatuewy. Iraniaꞌīn ipuenti Tupana Ehay miwan koꞌi yahig̃ note yi kaꞌa pe. Miꞌi koꞌi tukupteꞌen ej̃am yi ag̃kuꞌi kawiat pe.
KAN TUWEMOHEREP 2000 anu koꞌi tokosap pykai korā̃ te hoꞌokup Tupana Ehay iaꞌag̃kap koꞌi wepatꞌok hap koꞌi pōtꞌi rakaria. Iraniaꞌīn popera koꞌi ete ȳt katꞌi maꞌato Tupana Ehay ete miꞌitā̃.
a Esitu piaria inug̃ papiro mikoi papiro e hap kawiat. Hawyi pergaminho Grécia piaria inug̃ hũria ipe kawiat.
b Kotā̃ e hap. Wentup popera morekuaria Estados Unidos piaria minug̃ pergaminho pe wan hap tuweitykꞌi te pykai niatpo kahato mowempāp hamo. Maꞌato miꞌi popera ipakup poꞌog̃ Tupana Ehay kai.
c Popera inglês pusu puo set Everyday Writing in the Graeco-Roman East e hap.