MESŪWAT YI OKTĀN TUWEMOHEREP SAꞌAG̃ HAP

2 | Eweꞌeg̃ wo o edinheiro wȳwo

KAT POTE MIꞌI HAP WAKU ETUNUG̃

Mītꞌīn iꞌatupotpap kahato pykai maꞌato kurin iꞌatuedinheiro miꞌu koꞌi kyiꞌat hamo. Miꞌi hap tuwemoherep mesūwat yi oktān niatpo pote. Kotā̃ e hap.

Karāmpe tuwemoherep niatpo hap pote niatpo miꞌu kyiꞌat iꞌewȳte netap kyiꞌat hamo sio aluguel soꞌoknug̃ hamo
Niatpo turān ȳt katꞌi poꞌog̃ kuap motpap hap iꞌewȳte salário koꞌi poꞌog̃ kurin kuap.
Yi tyryꞌe hap iꞌewȳte yꞌy wato hap comércio koꞌi netap koꞌi iꞌapohepꞌe kuap. Miꞌi hap aimohakyꞌeꞌi kahato kuap.

Kat hap koꞌi waku etikuap

Eweꞌeg̃ hap wȳwo edinheiro wȳwo pote karāmpe putꞌokꞌe niatpo hap koꞌi pote etikuap poꞌog̃ hamo kat waku etunug̃ hamuat hap.
Kareꞌen koꞌi iꞌewȳte dinheiro koꞌi ȳt aikawiano kuapꞌi miꞌi pote iunteꞌen kuap meig̃muewuat koꞌi katꞌi kuap.
Dinheiro wo ȳt watikyiꞌat kuapꞌi aiwepīt sēse hap neig̃ aiwyriaꞌīn wȳwo watukupteꞌen wentup ewy yn hap.

Kat asom waku etunug̃ korā̃

Tupana ehay ainãpin Toig̃ aimiꞌu ahesokpe aikosap hamuat pote ti waku raꞌyn ahete waku watoꞌe aiwoꞌope e. — 1 Timoteu 6:8.

Aiwat ȳt katꞌi rakat koꞌi kape iꞌewȳte aimikyiꞌat koꞌi terān koꞌi kape ȳt watuwanentupꞌi pote aiwepīt sēse kat pote toig̃ raꞌyn aimiꞌu ahesokpe aikosap hamuat. Miꞌi hap poꞌog̃ waku watunug̃ ȳt katꞌi ahedinheiro turān.

Ewepīt sēse hamo waku ehekat kahato terānꞌi edinheiro kahatoꞌi pykai maꞌato ereteweru kahato pote niatpo poꞌog̃ hamo.

KAT HAP KOꞌI ASOM ETUNUG̃ KUAP — Mowȳro koꞌi hap

Niatpo koꞌi turān kat hap koꞌi asom epowȳro kuap.

EWEꞌEG̃ WO O EDINHEIRO WȲWO

Etiwan o emikyiꞌat wuat koꞌi terān

Kat koꞌi kat koꞌi neꞌi etikyꞌesat kahato pykai kat hamoꞌi etikyiꞌat kahato sokpe koꞌi sio kareꞌen eꞌyat piat nuat koꞌi hamo. Waku erewanentup hawe uimikyꞌesat kyiꞌat hamo asom uhedinheiro hamo. Atikyiꞌat kahatoꞌi ywa koꞌi hamo waku asom koi koi are.
Etikyiꞌat hap eꞌyj̃an mete waku erewanentup hawe atikyꞌesat asom uiꞌyat toig̃ raꞌyn pykai maꞌato atikyꞌesat ipakup pote yn. Atikyiꞌat pote uhedinheiro asom hoꞌoknug̃ hamo ere.
Morekuaria tum mowȳro hap pote etāt kuap iꞌatupowȳro hap.

Uiwyriaꞌīn wȳwo urutenentup kahato uruweig̃neꞌen hap kape. Kotā̃ e hap uruikyꞌesat kahato kat koꞌi kat koꞌi neꞌi wen maꞌato tuwekyꞌesat kahatoꞌi pote ȳt urukyiꞌatꞌi iꞌewȳte uruikat miꞌu ȳt hoꞌowoityꞌi rakat e. — John

ETIWAN O EMIKYIꞌAT WUAT KOꞌI TERĀN

Eweꞌeg̃ edinheiro koꞌi wȳwo

Tupana ehay ainãpin Uwe toweꞌeg̃ wo kat koꞌi kat koꞌi nug̃ miꞌi hat wyti ipuenti waku kahato rakat hamo. Maꞌato uwe merep kahato iꞌaira hap wyti aikotā̃ hesyꞌat hap ewy niatpo hap tuwemoherep hamo e. (Porowepiu 21:5) Pyno etiwan yne kat koꞌi kat koꞌi emikyiꞌat koꞌi hap miꞌi hap epowȳro hamo ereteweru kahatoꞌi emikyiꞌat koꞌi upi hamo.

Waku etiwan popera pe karania edinheiro tuereto mês upi mês upi hap.
Waku etiwan popera pe emikyiꞌat wuat koꞌi terān hawyi etikuap hamo kat upi eredinheiro momã tuereto hap.
Erewanentup o karania upi kuap etikyiꞌat mês upi tuereto hap miꞌi hap etunug̃ hawyi etikuap hamo edinheiro oktān hap sio etikyiꞌat poꞌog̃ kuap sio ȳtꞌi hap.

Wuatꞌi mês tuereto uruiwan popera pe karania uruedinheiro hap iꞌewȳte karania upi uruikyiꞌat koꞌi hap. Uheharyꞌi wȳwo uruimomã yneꞌi dinheiro tuereto. Uruhupit tuereto karāmpe uruikyꞌesat turān urutemaꞌat hamo. Miꞌi pote urutewanentup kowoꞌi kowoꞌi kahatoꞌi kat pote uruikuap ti raꞌyn aikotā̃ me uruimomã uruedinheiro hamo hap e. — Carlos.

ȲT ERETEWERU KAHATO TEIꞌO. EHUPIT TUERETO O EDINHEIRO

Ȳt ereteweru kahato teiꞌo / ehupit tuereto o edinheiro

Waku etiwan popera pe eweteweru hap koꞌi hawyi ȳt nakuꞌi etikyiꞌat kahato kat koꞌi kat koꞌi ereteweru poꞌog̃ hamo. Kat etikyiꞌat hap eꞌyj̃an mete waku eredinheiro atunug̃ ti ikyiꞌat hamo.
Waku wuatꞌi mês etiꞌywyk tuereto edinheiro karāmpe etikyꞌesat turān eremaꞌat tuereto hamo sio karāmpe edinheiro katꞌi turān potiat hamo.

IPOTPAP KAHATO RAKAT NO EREIG̃NEꞌEN. ȲT ERẼTEM TEIꞌO EPOTPAP HAP TOTE PYI

Tupana ehay ainãpin Uwe ipotpap haty wo miꞌi ti hekat tuwemowato wyti aru ipotpap hap kaipyi e. — Porowepiu 14:23.

Ipotpap kahato rakat no ereig̃neꞌen / ȳt erẽtem teiꞌo epotpap hap tote pyi

Ȳt ehay saꞌag̃ teiꞌo epotpap hap etiat emikyꞌesat ewyꞌi pykai maꞌato waku epotpap. Kat pote miꞌi hap kaipyi ehoꞌoknug̃ kuap eweteweru hap koꞌi.
Waku ipotpap kahato rakat no ereig̃neꞌen iꞌewȳte esoꞌi pote mītꞌīn emohey kahato hamo. Miꞌi hap epowȳro hamo epotpap hap ete iꞌewȳte epotpap hap puenti merep hamo.

Taꞌi kat koꞌi kat koꞌi hap ete neꞌi uipotpap uimikyꞌesat ewyꞌi pykai sio miꞌi hap upi uhedinheiro watoꞌi pykai maꞌato uipotpap. Ipotpap kahato rakat no areig̃neꞌen miꞌi pote kat koꞌi uiminug̃ waku kahato atunug̃. Miꞌi hap upi mītꞌīn timohey kahato uipotpap hap ete e. — Dmitriy.

Motpap hap etikat pote

Waku etikatꞌi katꞌi motpap hap. Kotā̃ e hap. Ehay kuap empresa koꞌi wȳwo sio ehenoi kuap ewyriaꞌīn ewyꞌokria pe toig̃ motpap hap pote ehenoi o uhepe ere kuap.
Waku kat koꞌi kat koꞌi neꞌi etunug̃. Asuwe motpap hap emikyꞌesat ewy hamoꞌi.