Biñanda Bili mu Mutamba 14

Baka-Kristu bakulibanga bambulwile muzimbu waubwa wa Bumwene ku mitambela ya kulako ya ha lifuti-libu. Yesu wabalekele kubapandele kwambulwila na kubalingisa bambulule mu bindaka bya banu babakele na kwambulwila. Yehova wabakwasele bapwe ba kusimpa na kubakwasa bakolese mubakele na kubayandesa manene.

Yesu wamwesele kapositolo Iwano cimona ca bumpau bwa Yehova. Mu cimona cikwabo, Iwano wamwene Bumwene bwa Njambi bwa mwilu buhyana Satana na kunyongesa ciyulo cendi myaka yoshe. Iwano wamwene Yesu ali na kuyula na banu ba kupwa 144,000. Co wamwene lalo lifuti-libu lyoshe lipwa paradaisi, oku banu boshe bali na kulemesa Yehova mu kwoloka oku banalikwatasana.