Vika Viyendeka Mbimbiliya?

Vumwene vwa Njambi vwapwa vuka?

VANU VAMO VATAVA NGWAVO vukemanenako chiyulo cha Njambi mu mbunge ya munu; vakwavo vakathinganyeka ngwavo chapwa kulifwita kwa vanu mu kushaka kunena kwoloka na likwatathano mu kaye. Yeni cho muthinganyeka vati?

VIYENDEKA MBIMBILIYA

“Njambi wa mwilu Akaka Vumwene vuje kuvukahu. . . . . . Vukanyongetha vumwene vwoshe [vwa vanu.]” (Ndanyele 2:44) Vumwene vwa Njambi vwapwa fulumende vene.

VYUMA VIKWAVO VITULILONGETHA MU MBIMBILIYA

• Vumwene vwa Njambi vuli na kuyula oku vuli mwilu. —Mateo 10:7; Luka 10:9.

• Yehova ali na kupangetha Vumwene vwendi mu kushulithilila viyongola vyendi mwilu na hathi.—Mateo 6:10.

Vumwene vwa Njambi vukaija tangwa lika?

MUKUMBULULA VATI?

• Wayi athzivuka

• Ololo

• Kuvukaija

VIYENDEKA MBIMBILIYA

“Cho evi viñanda vyavivwa vya Vumwene vakavyambulula mu kaye mwoshe ngwe kupwa vukaleho ku miyati yoshe, cho athinoni kukotoka kwa kaye kukaija.” (Mateo 24:14) Nga muthzimbu wauvwa vawambulula mu kaye mwoshe, cho Vumwene vukaija kwakunyongetha ino futithi yaivi.

VYUMA VIKWAVO VITULILONGETHA MU MBIMBILIYA

• Na umo wai hano hathi athzivuka mwamuvwa litangwa livukaija Vumwene vwa Njambi.—Mateo 24:36.

• Vupolofweto vwa mu Mbimbiliya vumwetha ngwavo Vumwene vwa Njambi ololo vwija.—Mateo 24:3, 7, 12.