Tambuleni Vangendthzi Vetu

Twavandamena kutambula vangendthzi vakweta ku 12 milyoni nambe kutuvakana, ku Chanukitho chije chikakalako lya March 23. Twakulahela ngwetu ava vanu vakathziva vukaleho vwa vungi kuli muka-kwendeka ñanda, omwo akathimutwiya ha vwana vwa natwana Yehova vwa ndando ya kupatula na ha vivethzikitho vivanavandamena vanu! (Isa 11:6-9; 35:5, 6; 65:21-23; Yow 3:16) Oloni muka-kwendeka ñanda kethi ikeye lika akana vukaleho ha chilika echi. Tuvavoshe twatha kulinga ngocho, ha kutambula vangendthzi vetu na ndthzandthzu. (Lom 15:7) Kengeni evi vingila vinakavangeyaho.

• Kethi mutumbame lika ha chitumbamo cheni na kwoloka lika kuluu mu kuvandamena thimbu ichishangumuka chilika, oloni tambuleni vangendthzi na vaje vanathzeye na kuvakandelela na ndthzandthzu na chithzemo

• Kethi mwakele lika mana kuli vaje vamunalanyele yeni vavenya, oloni na kuli voshe vaje vanaija omwo ya kuvalanya ha thimbu ya kampeni. Munatha kuvehula nga lukelwo lwa kulivanga kwija ku chiwano. Lanyeni vavaha vatumbame neni, cho pangetheni hamo lika navo livulu lyeni lya myatho na Mbimbiliya

• Livwahetheleni kukumbulula vihula vyavo hanima ya ñanda. Nga thimbu kuimitavetha omwo ya kuthethzela vakweni mutamba vakungulukilemo lalo, cho munatha kuvwahetha vya kukavendela hanima ya matangwa amandondo lika. Nga kumwethi na mithzimbu yakuvawanenamo, cho munatha kwendeka ngweni: “Njishaka kuthzivuka vithinganyeka vyeni ha pulongilamu ya lelo. Njatha kumiwana vati mangana tukathimutwiyeho?”