KUVWETHZELELA KU VUTONGWE VWETU VWA MU LIHYA
Livwahetheleni Yeni Vavenya Vimwendeka ha Kwana Mangazini
VICHAPWILA CHA KULEMA: Nambe ngwavo vingila vyakwendekelamo vivakathoneka mu mukanda wa viwano vikatukwatha, oloni vinapu lika myanja. Munapande kupangetha majwi eni vavenya. Munatha kupangetha ngila yeka nambe ñanda ije imumona ngweni yatha kukwatha vanu mu chitingitingi. Munatha kulivwahethela vya kwendeka yeni vavenya hanima ya kutanda mangazini, kutanda vingila vyakwendekelamo vivanamwetha na kuyongola ma vindiyo avanamwetha.
MWAKULINGILA:
Lihuleni ngweni, ‘Njishaka kupangetha imo ya vingila vyakwendekelamo ndi?’
EYO
Livwahetheleni yeni vavenya majwi akushangumuka nawo. Hanima ya kuvendwitha, valekeni vimunendela. (Chakumwenako: “Njinamyendela mwafwa . . . ”)
Thzivukeni mwamuvwa kulikwatathana kuli ha chihula, chithoneka, na mwakwanena mukanda. (Chakumwenako: Nga mutandela munu chithoneka, cho munatha kwendeka ngweni, “Chikumbululo tuchiwana mu Mbimbiliya.”)
EMBWE
Anguleni ñanda mu mangazini ije inamithzivitha kuvwaha, ije yatha kukwatha lalo vanu va mu chitingitingi cheni
Ihuleni vavenya njuvo chihula chije chimikwatha kuthzivuka vili mu mbunge yendi, kethi mumutatokethe. (Chakumwenako: Kengeni vihula vili mu mangazini ha liputa 2.)
Anguleni chithoneka chimutanda. (Munatha kutanda nambe kujeneka kutanda chithoneka nga mwana mangazini ya Toneni! mwafwa vanaivwahethela vanu vaje kuvathzivuka vyuma vyavingi vya mu Mbimbiliya, cho lalo kuvakulahelele vulombelo.)
Livwahetheleni mukana wa majwi, umo nambe ivali ije imwetha vukwathi vwawana vavenya njuvo mu kutanda livulu limunamwana
Livwahetheleni kwihula vavenya njuvo chihula mangana mwakuchikumbulule ha vungendthzi vwa kwilukila
Thonekeni majwi aje amikwatha kwanuka vimushaka kwendeka