Mwakupangethela mbuloshuwa ya Veya Vali na Kulinga Chithzango cha Yehova Matangwa Ano?

Mbuloshuwa ya Veya Vali na Kulinga Chithzango cha Yehova Matangwa Ano? vaivwahethela kulilongethayo na vandongethi va Mbimbiliya, kumaputukilo nambe kumamanethelelo a chilongetha na chilongetha.a Chilongetha 1 kutwala 4 chikwatha vandongethi vatuthzivuke vwino, chilongetha 5 kutwala 14 chivakwatha vathzivuke vipangi vyetu, cho chilongetha 15 kutwala 28 chivamwetha muili na kupangelamo munga yetu. Kunapu kwa theho kukavetha mbuloshuwa, kushangumuka kumaputukilo na kweta kushongo, kuvanga nga tutonda ngwetu ndongethi yetu tumunanguleko vyuma vimo. Chilongetha na chilongetha chili ha liputa limo, cho twatha kuthimutwiyaho na vandongethi vetu mu minutu 5 nambe 10.

• 

  Ihula chihula chije chinapu mutwe wa chilongetha

• Tandeleni hamo lika chilongetha, mwatha kushangumukila kumaputukilo nambe kwangula mitamba

• Thimutwiyeni ha vyuma vimunatanda. Pangetha vikupulo, na vihula vili kumamanethelelo. Tanda na kulumbununa mwamuvwa vithoneka vivanamwetha. Lumbununa omwo tumitwe twatundondo tuli mu vulombo vwa kuthzivala mutunakumbwililamo mutwe wa chilongetha

• Nga hali chipalo cha “Nga Mushaka Kuthzivuka Vyavingi,” tandeleni hamo lika na kushongangeya ndongethi yeni akavangeye vyuma mwamuvwa