Baje Bakwasa Bakwabo Baje Bali mu Bujene Bakawana Bibezikiso

Banu babangi mu kaye kubesi na binjubo na byakulya byakupwamo. Bamoco kubesi na lilabelo. Nga tukwasa aba banu, tuzibisa Njambi kubwaha, co atubezikisa.

BIYENDEKA MBIMBILIYA

“Uje akala na ngozi na tuhutu ali na kukumwisa Shukulu Kalunga, co Shukulu Kalunga akamwana cikandelela ha bije byanalingi.”​—VISIMO 19:17.

KUKWASA MUNU ALI MU BUJENE KULUMBUNUNA BIKA?

Yesu wendekele bya cisimo ca munalume uje ibapupangele bezi na kumuseza ashaka kutsa. (Luka 10:29-37) Munu uje kamuzibukile wemanene na kukwasa uje munalume ibabulumwine. Wakwasele uje munalume nameme wapwile wa cisemwa ceka.

Uje munu wakele mazi na binyu ha bimbandu bya uje munalume na kumwanako byuma bimo, co lalo wamuzembeleke na kumutakamesa.

Eci cisimo citulongesa bika? Yesu wamwesele ngwendi tunapande kweseka mutwasela mwoshe kukwasa bakwetu baje bali mu bujene. (Visimo 14:31) Mbimbiliya ilongesa ngwayo Njambi ololo amanesa buhutu na tuyando. Oloni hamo tunasa kwihula ngwetu akalinga ngoco mu ngila muka, co mwaka uka? Ñanda inatako isimutwiya ha bibezikiso bitukatambula kuli Tate yetu wa cizemo.