Kasingimiko na Bilinga Byabibwa Byasa Kutengulula Mbunge ya Munu

Bandokazi bamo bashomboka ku banalume baje kubapwile baka-Kilistu. Oloni bilinga byabibwa bya aba bandokazi byasa kukwasa baka-limbo lyabo balilongese busunga. Nameme ngoco, banapande kukolesa ha myaka yaingi. (1 Pe 2:21-23; 3:1, 2) Nga bali na kumilinga mwamubi, hyaneni bubi na bubwa. (Lom 12:21) Kuleka baka-limbo lyeni bya Yehova keti kukekwo lika kwasa kubakwasa batenguluke. Oloni bilinga byeni byabibwa byasa kubakwasa batenguluke.

Zibisiseni byuma binalingisa baka-limbo lyeni bamone byuma mu ngila oyo. (Fil 2:3, 4) Bakeni mbunge, co basingimikeni na kulinga mumwasela mwoshe kupanga bipangi bimunapande kupanga ha kupwa munakazi wa kushomboka. Batolilileni nga bendeka. (Jas 1:19) Kwateni mbunge. Lekeni baka-limbo lyeni ngweni mwabazema. Hamo baka-limbo lyeni kubamyakele mbunge nambe kumisingimika ngwe mumukabalingi, oloni zibukeni ngweni Yehova ali na kumona kulongwa kweni.—1 Pe 2:19, 20.

KENGENI VIDIO YA YEHOVA AKATUKWASA TWAMBATE CITELE CETU. KUTUNDAHO, KUMBULULENI EBI BIHULA BINATAKO:

• Bika byaliwanene nabyo Grace Li ku mashangumukilo a bulo bwendi?

• Bika byamukwasele alilongese busunga?

• Ndokazi Li wakolesele bati mwaliwanene na byeseko munima ya kumubwitika?

• Ndokazi Li walombelele bika hali muka-limbo lyendi?

• Bibezikiso muka byanawana ndokazi Li ha kukala na kasingimiko na bilinga byabibwa kuli muka-limbo lyendi?