Tukandeleleni Kuli Njambi na Kilistu Mwafwa Bakatupatula Kulutwe

Bukalu muka bumukaliwana nabwo ha litangwa na litangwa? Kuma munapu mutwe wa naanga, co muli na byabingi bya kulinga ndi? Kuma munapu cisemi uje ali na kulela naanga likalyendi ndi? Kuma muli ku sikola, co bakweni ku sikola kubesi kumilinga mwamubwa ndi? Kuma munakulubala nambe kujeneka kulikangula mwamubwa ku mubila ndi? Munu na munu kuli bukalu bwali na kuliwana nabwo. Bandolome na bandokazi babangi bali na kuliwana na byeseko bya kuliseza-seza ha simbu imolika. Oloni tuzibuka ngwetu ololo Njambi atupatula ku byeseko byoshe bituli na kuliwana nabyo.—2 Ko 4:16-18.

Co kuzibuka ngwetu Yehova ali na kumona tuyando tutuli na kuliwana natwo, kulongwa kwetu hamolika na kuzibuka ngwetu akatubezikisa kulutwe, kukatutakamesa. (Nje 29:11, 12) Yesu nendi watuzema. Natukulahesa ngwendi: “Njikakala neni.” (Mat 28:20) Nga tusinganyekesesa ha kupatuka kutukawana kulutwe mu Bumwene bwa Njambi, co tukala na lilabelelo lya kukanyama, co lalo tukolesa omwo tuliwana na byeseko—Lom 8:19-21.

KENGENI VIDIO YA KENGELELENI KULI YESU OMWO LIHUNZI LYAKAMA LILI MUYEHI—BIBEZIKISO BYA BUMWENE KULUTWE. KUTUNDAHO, KUMBULULENI BIHULA BINATAKO:

• Banu byalyangunwine bati kuli Njambi, co bika binatundumo?

• Bika bibanabandamena banu ba kulongwa?

• Bika bikalingisa banu bakalikuwe bibezikiso?

• Bika bimunabandamena kukalikuwa mu kaye kakaha?