Banu Babangi Bali na Kupokola Mashiko mu Kaye Koshe—Bika Biyendeka Mbimbiliya?

Mu mafuti a kufwa ngwe Haiti, South Africa, Mexico na mafuti akwabo a mu Latin American muli manene bukenya bwa kulilwisa na mata. Nameme mizimbu ya bukenya bwa kwiba bitenga inatepuluka, oloni banu anga banatwalelelaho kulishoshomwena manene na kuliziba ngwabo kubesi na kubanyungilila.

Bika biyendeka Mbimbiliya ha kupokola mashiko kuli na kulingiwa mu kaye koshe?

Bika biyapolofwetele Mbimbiliya ha kupokola mashiko?

Mbimbiliya yapolofwetele cimweja ngwayo kupokola mashiko kukapwa cimweso ca “mamaneselelo a katumameno ka myaka ino.” (Mateu 24:3) Yesu Kristu mwendekele bimweso bije bikasholoka ku mamaneselelo, wendekele ngwendi:

• “Mwafwa kupokola mashiko kukalibwezelela, cizemo ca banu babangi cikatonola.”—Mateu 24:12.

Mbimbiliya yapolofwetele lalo ngwayo “mu matangwa a mamaneselelo” banu bakapwa “baka-kujeneka kukwata mbunge, bakutewesa, baka-kujeneka kuzema bubwa.” (2 Timothi 3:1-5) Eci cifwa ca kulizema bakebo babenya cikeco cili na kulingisa banu bapokole mashiko.

Oloni kuli byuma bitulingisa tukale na lilabelelo. Mbimbiliya inatukulahesa ngwayo baka kupokola mashiko ololo bahwa.

• “Kunasala lika kasimbu kakandondo, co banu bababi kubakakalako. Ukatala haje habakele, Oloni kuukabawanaho. Oloni banu bababotsi bakaswana lifuti-libu, Co bakabwahelela manene mwafwa bakalikuwa kwoloka kwakama.”—Bisamu 37:10, 11.

Lilongeseni byabingi ku mizimbu ya mu Mbimbiliya ije yana lilabelelo na kumikwasa mukulahele ngweni byuma bituli na kumona bili na kushulisilila bupolofweto bwa mu Mbimbiliya. Taleni biñanda binatako mu Ingilishi.

“A Real Hope for a Better Tomorrow”

“What Is the Sign of ‘the Last Days,’ or ‘End Times’?”

“Did the Bible Predict the Way People Think and Act Today?”