Mwakwambulwila Kupangetha Tutambo twa Mikanda

Kupangetha katambo ka kuthindumuna nambe metha mu kwambulula inapu ngila imo ije ili na kunena vaka-vimbunge vyavivwa mu vuthunga. (Yow. 6:44) Ngechi, vakulunu vanavakanyametha kuvwahetha vya kwambulwila ku mbunga mu vitingitingi vimo vya chikungulukilo muje muketi vanu vavangi. Kuvapandele kulomba lithetha kuli vaka-mashiko mwafwa tutambo twa kuthindumuna na vimetha kuvyethi kukala mu mwela umo. Veya vanapande kupangetha tutambo twakuthindumuna na vimetha? Vaka-kwambulula va mana, va kathingimiko, vaje vali na vutongwe vwa kuthimutwiya. Vyuma vino vikevyo vivanapande kulinga nevi kuvapandele kulinga vaka-kwambulula mangana vapange mwamuvwa.

Vimunapande kulinga:

Pweni vandthzandthzu, vaka-kumeneka vaka-kwita. Vaka-kwambulula vamo vakamwethwila vaka-kwita na kuvameneka na ndthzandthzu. Nga munu atala ku katambo omwo ayita, munatha kwendeka ngweni, “Mwatha kwambataho nga mushaka.”
Imaneneni muyehi na katambo. Mu mitambela imo, vaka-kwambulula vakapanga vwino nga vanashondoloka ku katambo mita imo nambe mamita avali. Veka vayongola ngwavo kwimana muyehi kukatewetha vanu, ngechi vakashondoloka ku katambo na kuvandamena munu uje emanako. Nga munu ashwenya muyehi na katambo, cho thimutwiyeni nendi. Munatha ku mwihula ngweni, “Mwathinganyekaho laja hali echi chihula ndi?”
Pangetheni Mbimbiliya thimbu yoshe.
Lumbununeni vya chilongetha cha Mbimbiliya ku munu woshe ambata mukanda wa kulilongethamo wa kufwa ngwe Bibele I Lutañi? Mumwetheni vindiyo ya Ki Kabakalañi ha lu Swanela ku Ituta Bibele?
Nga chinatha, tambuleni mithzimbu ya vaje vanavwahelela. Nga muwana munu uje kakele mu chitingitingi cheni, cho thonekeni fomu ya Silozi ya Shangwe Mu Mu Potele (S-43) na kuyana vwathivwathi kuli muka-kuthoneka.