Kuvwethzelela ku Vutongwe Vwetu Vwa mu​—Lihya Kwambulwila Vanu Voshe va mu Chitingitingi Chetu

VIKWAPWILA KWA THEHO: Zakaliya wapolofwetele ngwendi vanu voshe vakatolilila ku muthzimbu wauvwa. (Zak 8:23) Oloni veya vanapande kuvalongethawo? (Lom 10:13-15) Tuli na chipangi cha kwambulula muthzimbu wauvwa ku vanu voshe va mu chitingitingi chetu.—od 84 ¶10-11.

MWAKULINGILA:

• Livwahetheleni. Mumukai na kwambulula, mukawana vanu vaje vendeka ndaka yeka ndi? Mwatha kupangetha JW Language app mangana mulilongethe mwakushangumukila kuthimutwiya na vanu. Nameme kupangetha foni yeni mukuleketha munu athzivuke mwakuwanena viñanda mu ndaka yendi ha jw.org

• Nangukeni. Nga muli na kwambulwila ha njuvo na njuvo, ambululeni ku munu woshe imuwana. Ambulwileni na vaka-kwita mu ngila nameme vaje vanavandamena kulonda mu minyau. Nga muli na kwambululwila ku mbunga, akeleni mana ku kwambulula, kethi mwechelele vyuma vyeka vimitanganethe

• Pangeni na ndthzili. Yeni lalo ha vinjuvo haje kumwawanene vanu. Lifwiteni kuthimutwiya na vanu voshe va mu chitingitingi cheni. Nga kumwavawanene ha vinjuvo vyavo ha thimbu imunakala na kwambulula, mwatha kuyako lalo ha thimbu ikwavo nameme litangwa lyeka. Vamo munatha kuvambulwila kupangetha mikanda, mafoni nameme kwambulwila mu vitapalo

• Ilukileniko vwathi. Ilukileni vwathi ku vanu vaje vanatambwile muthzimbu. Nga munu imunendela endeka ndaka yeka, cho ethekeni kutonda muka-kwambulula uje athzivuka ije ndaka mangana amulongethe. Twaleleleniho kwendela uje munu kweta noho hakawaniwila muka-kwambulula uje endeka ije ndaka.—od 94 ¶39-40

KENGENI VINDIYO YA KUKUTALEZA “KWA LIBAKA ZA KWAHULE HAHULU ZA LIFASI,” CHO THIMUTWIYENI HA VIHULA VINATAKO:

• 

  Vandolome na vandokathzi valivwahethelele vati mangana vakambulwile ku myela ya kulyala? (1Kr 9:22, 23)

• 

  Vukalu muka vuvaliwanene navwo vuje vuvakolethelele?

• 

  Vivethzikitho muka vivawanene?

• Vika munapande kulinga mangana mwambulwile vanu voshe va mu chitingitingi cheni?