YOYETHI YA VAKA-KILISITU
Likwatathaneni Nga Mwambulwila mu Chitingitingi Muje Muli Vindaka Vyavingi
Vanu vakavwahelela manene nga vathziva muthzimbu wa Vumwene mu vindaka vyavo. Mukemwo, ha Pentekosita ya mu 33 C.E., Yehova watondele ngwendi vaje “vatundile ku mafuti oshe a hano ha kaye” vathzive muthzimbu wauvwa ‘mu vindaka vyavo’ nameme vapangethele vindaka vya kufwa ngwe Chingiliki na Chihevelu. (Vil 2:5, 8) Ano matangwa vikungulukilo vije vikapangetha vindaka vya kulithethza vinatha kwambulwila mu chitingitingi chimo lika. Vaka-kwambulula vomu mu vikungulukilo vatha kulikwatathana vati mangana vambulule mwamuvwa kwa kujeneka kuluvathetha vavenya vinjuvo?
Lithzivathaneni (Vit 15:22): Vatwama va vipangi vya mu lihya vanapande kuliwana hamo mangana vathimutwiye muvatha kwambulwila muthzimbu wauvwa, mwafwa hamo chikungulukilo chavo chishaka ngwavo kethi mwambulwile ha vinjuvo vije vikapangetha ndaka ya mu chikungulukilo chavo. Oloni nga chitingitingi chavo chakama cho kuvethi kwambulwila ha vinjuvo vyoshe, cho vanatha kumileka ngwavo mwambulwile chitingitingi choshe, oloni nga muwana munu uje na vwahelela, endeka ndaka ivakapangetha mu chikungulukilo chavo cho muvaleke. (od-SK 93 ¶37) Nambe vanatha kumileka ngwavo muvakwathe kuwana vanu vaje vakendeka ndaka ivakapangetha mu chikungulukilo chavo, na kuvaleka mathzina noku kuvakala ovo vanu. (km-SK 7/12 5, na chipalo) Anukeni ngweni ha njuvo imo mwatha kuwana vanu vendeka vindaka vyavingi. Cho vyuma vivathimutwiya vantwama va vipangi vya mu lihya vinapande kulitombola na mashiko a fulumende aje anyungilila vanu.
Likwatathaneni (Efe 4:16): Kavangeyeni vyamileka ntwama yeni wa chipangi cha mu lihya. Muli na kulilongetha Mbimbiliya na munu uje endeka ndaka ije kumwethi kupangetha ku chikungulukilo ndi? Nga mukemwo cho aneni owo munu ku chikungulukilo nambe chivunga chije chipangetha ndaka yendi mangana akole vwathi ku sipilitu.
Livwahetheleni (Vit 15:28; 16:1): Nga muwana munu ha njuvo uje endeka ndaka yeka, ethekeni mumwathela mwoshe kumwambulwila muthzimbu wauvwa. Mwatha kulivwahethela mwamuvwa nga mwaka mu viyongola vindaka vya vanu vamuwana na kwaka Mbimbiliya na mavindiyo a mu vindaka vya kulithethzathethza mu foni yeni. Mwatha lalo kupangetha JW Language app mangana muthzivuke mwakumenekela vanu mu vindaka vyavo.