Jenjukeni Vukalu vwa ha Intaneti

VIKWAPWILA KWA THEHO: Kulitumina tumithzimbu ha intaneti kwalifwa na vikwata vitukapangetha mwafwa kwatha kutukwatha nambe kutwaka mu vukalu. Vaka-Kilisitu vamo vanalyangwila kujeneka kulitumina tumithzimbu ha intaneti. Vakwavo vakalitumina tumithzimbu na vaka-nanga yavo na vavuthamba vavo. Oloni Liyavolo ashaka ngwendi tupangethe mwamuvi intaneti mangana tuliviyithe lithzina na kumanetha vuthamba vwetu na Yehova. Tunapande kupangetha vinangulo vya mu Lijwi lya Njambi mangana tunanguke na kujenjuka ku vukalu ngwe mwalingilile Yesu.—Luk 4:4, 8, 12.

VUKALU VUTUNAPANDE KUJENJUKA:

• Kupangetha manene intaneti. Kuviyithila thimbu yaingi ha intaneti kwatha kutulila thimbu itunapandele kulinga vyuma vya ku sipilitu

  Vinangulo vya mu Mbimbiliya: Efe 5:15, 16; Fil 1:10

• Kuyongola vyuma vyavivi. Kuyongola vikupulo vyavivi kwatha kulingitha ngwavo munu awile mu mweto wa kuyongola vikupulo vya mushelengwa thimbu yoshe. Kutanda vyuma vivakathoneka vaka-kutengukila kwatha kuthzeyetha likulahelo lyetu.

  Vinangulo vya mu Mbimbiliya: Mat 5:28; Fil 4:8

• Kwaka vikupulo nambe majwi amavi ha intaneti. Vimbunge vyetu vyapwa vyavivi manene, ngechi vyatha kutungumuna na kutulingitha tushangumuke kwaka vikupulo nambe majwi amavi ha intaneti. Oloni kulinga ngocho kwatha kutuviyitha lithzina nambe kuthzeyetha likulahelo lyetu

  Vinangulo vya mu Mbimbiliya: Lom 14:13; Efe 4:29

KENGENI VINDIYO YA PANGETHENI INTANETI MWAMUVWA, KUTUNDOHO THIMUTWIYENI MUTWATHA KUJENJUKILA VYUMA EVI: