YOYESI YA BAKA-KILISTU
Babusamba Muka Muli Nabo ha Intaneti?
Kabusamba wapwa “munu imwazema na kusingimika.” Cakumwenako, Ndabiti mwatsiile Ngolyata, hakeho habwashangumukilile kukanyama busamba bwendi na Yonatana. (1 Sa 18:1) Umo na umo wabo wakele na bifwa byazemene mukwabo. Ngeci, nga tushaka kulikuta busamba bwa kukanyama na munu, co tunapande kumuzibuka mwamubwa. Kuzibuka mwamubwa munu kutondeka kulifwita, co lalo kukambata simbu. Oloni ano matangwa ha intaneti, kumbola lika ha likina kunahu busamba bwakwata. Kwakukalu manene kuzibuka mwamubwa munu ha intaneti mwafwa asa kwendeka na kulimwesa ngwe munu wamubwa. Ngeci, tunapande kwangula mwamubwa banu batulikuta nabo busamba ha intaneti. Keti mutewe ngweni nga mubyana ma friend requests abanu kumuzibuka, co mubazibisa kubabala ku mbunge. Mwafwa ya kutewa kulikobelesa mu bukalu, bamo kubesi na kupangesa ma App akulitumina tumizimbu ha intaneti. Oloni nga munalyangwila kupangesa ma App akulitumina tumizimbu ha intaneti, bika bimunapande kwaka mu bisinganyeka?
KENGENI VIDIO YA PANGESENI INTANETI MWAMUBWA. KUTUNDAHO, KUMBULULENI BIHULA BINATAKO:
Bika bimunapande kwanuka simbu kanda muposite majwi nambe bikupulo ha intaneti?
Mwafwa bika munapande kwangula mwamubwa babusamba ha intaneti?
Mwafwa bika munapande kulyakela simbu imukalakala ha intaneti?—Efe 5:15, 16