Kubwezelela Ku Butongwe Bwetu Bwa Mu Lihya​—Kutengulula Tengulula ku Bingila bya Kwambulwilamo

BIKWAPWILA KWA SEHO: Bakubwabesa na bimanga beka bali na kulanya banu ba miyati yoshe “batambule mema a myonyo a bwana.” (Kuj 22:17) Awa mema a cifwisa emanena byuma byoshe byali na kwana Yehova kuli banu mangana abobole ku bubi na ku kutsa. Tunapande kwambulula ‘muzimbu waubwa’ mu ngila ije ikwata ku mbunge ya munu na munu nameme wapwa wa cisemwa ceka nambe wakulahela byuma byeka.—Kuj 14:6.

MWAKULINGILA:

• Anguleni ñanda na cisoneka cije ceta ku bimbunge bya banu ba mu citingitingi ceni. Mwasa kwangula ha bingila bya kwendekelamo nambe byuma byoshe bimwapangesele mwamubwa kunima. Biñanda muka nambe bisoneka muka bije byasa kupanga mwamubwa? Kuma kuli mizimbu ya ololo ibali na kusimutwiya manene banu ndi? Biñanda muka byasa kukwasa mwamubwa banalume nambe banakazi?

• Omwo musimutwiya na banu, bamenekeni na kusimutwiya nabo ngwe mubakalingi banu mu citingitingi ceni.—2 Ko 6:3, 4

• Zibukeni mwamubwa mabulu na mavidio ali mu Cikasha ca Bikwata bya Kupangesa mu Kulongesa mangana mukwase munu uje ashaka kutambula muzimbu

• Ambateni ha intaneti biñanda bije bili mu bindaka bya banu bamwasa kuliwana nabo mu citingitingi ceni

• Tengululeni ku biñanda bimwambulula kwesekesa na munu imuwana. (1 Ko 9:19-23) Cakumwenako, mwasa kwendeka bika nga muwana munu uje natsisa?

KENGENI VIDIO. KUTUNDAHO, KUMBULULENI EBI BIHULA BINATAKO:

• Muka-kwambulula nashangumukile kusimutwiya bika na babenya njubo?

• Bika byakele na kuliwana nabyo babenya njubo mu kuyoya kwendi?

• Muka-kwambulula wapandele kupangesa cisoneka muka, co mwafwa bika?

• Mukatengulula bati ku bingila bya kwambulula mangana biñanda bimwambulula byete ku bimbunge bya banu ba mu citingitingi ceni?