Pweni ba Kulibwahesela Muno mu ‘Matangwa a Kukotoka’

Omwo tuli ku mamaneselelo a ‘matangwa a kukotoka,’ tubandamena ngwetu bukalu bulibwezelela manene. (2 Ti 3:1; taleni biñanda bitukwasa kuzibisisa Mat 24:8, nwtsty-E) Ha simbu ya bukalu, banu ba Yehova bakatambula mashiko aje asa kubobola. Kulibwaesela ku mubila na kukanyamesa busamba bwetu na Yehova hano bene, kutukwasa ha simbu itukaliwana mu bukalu.—Luk 16:10.

• Kanyameseni busamba bweni na Yehova: Kaleni na cinoneko cacibwa. Lilongeseni bingila bya kulisezaseza bya kwambulwilamo. Kesi mulishoshomwene nga kumwesi na bakweni bamukakunguluka nabo. (Isa 30:15) Yehova na Yesu bali neni simbu yoshe.—od-SK 176 ¶15-17

• Libwaeseleni byuma bya ku mubila: Munu na munu napande kukala na ngonga ili na byuma bya kulikwasesa nga kuli bukalu. Co tunasa kutulikako byakulya, mema, bumbanda na bikwabo byeka bije bitukwasa ku mubila kwoshe kwoshe kutukabanda.—Vis 22:3; g17.5-SK 4, 6

KENGENI VIDIO YA MWALIBWAHESELA BUKALU BWA CISHITUKILA NDI? KUTUNDAHO, KUMBULULENI EBI BIHULA:

• 

  Mwasa kukanyamesa bati busamba bweni na Njambi simbu kanda muliwane na bukalu bwa cishitukila?

• 

  Mwafwa bika tunapande . . .

  • kusimutwiyasimutwiya na bakulunu?

  • kukala na ngonga ya byuma bya kupangesa nga kunasholoka bukalu bwa cishitukila?

  • kusimutwiya ha bukalu bwa cishitukila buje bunasa kusholoka nebi bitwasa kulinga nga bunasholoka?

• 

  Bingila muka bitatu bitwasa kukwaselamo bakwetu nga banaliwana na bukalu bwa cishitukila?

LIHULENI NGWENI, ‘Mushongo wa COVID-19 unanjilongesa bika ha bubwa bwa kulibwaesela simbu yoshe?’