Mwalibwahesela bya Kulinga nga Kukala Mpindangano Ndi?

Omwo tushwena kumamaneselelo a matangwa a kukotoka, tubandamena ngwetu mpindangano, bukenya na binzita bilibwezelela manene. (Kuj 6:4) Twasa kulibwahesela bati?

• Kanyameseni Busamba Bweni na Yehova: Libwaheseleni binangulo bya mu Mbimbiliya bije bikamilingisa mukulahele manene Yehova na munga yendi mangana bikamikwase kutwalelelaho kupwa ba kulongwa. (Vis 12:5; jr-E 125-126 ¶23-24) Ino ikeyo simbu itunapande kukanyamesa busamba bwetu na bandolome na bandokazi.—1 Pe 4:7, 8

• Libwaheseleni Byuma bya ku Mubila: Nga kukwesi mwela kumwasa kutewela, co zibukileni cimweja mumukalinyungilila ha njibo yeni na kubwahesa byuma bimukalikwasesa. Oloni nga kuli mwela kumwasa kutewela, co libwaeseleni cimweja mu mwakulingila nga kwakutondeka kujaluka. Taleni byuma bimunaka mu ngonga yeni ya kutewa nayo na kumona indi muli na byuma bitondeka, co akenimo byuma bya kulinyungilila nabyo hamo lika na bimbongo. Kaleni na binambala bya bakulunu ba cikungulukilo ceni mangana mwase kubatumina nga kunasholoka bukalu. Co lalo nabo banapande kukala na binambala byeni.—Isa 32:2; g17.5 3-7

Ha simbu ya mpindangano, twaleleleniho kukanyamesa busamba bweni na Yehova. (Fil 1:10) Keti mwendangane manene kubanga nga kuli byuma byakama bimuli na kwendela. (Mat 10:16) Aneniko bakweni byakulya na byuma bikwabo bimuli nabyo.—Lom 12:13.

KENGENI VIDIO YA MWALIBWAHESELA BUKALU BWA CISHITUKILA NDI? KUTUNDAHO, KUMBULULENI BIHULA BINATAKO:

• Yehova asa kutukwasa bati mu simbu ya bukalu?

• Twasa kulibwahesela bati simbu kanda tuliwane na bukalu?

• Twasa kukwasa bati bakwetu baje banaliwana na bukalu?