Binzita Bikahwa Tangwa Lika?—Bika Biyendeka Mbimbiliya?

“Ino ikeyo simbu ya kutepululako bushonde. Ino ikeyo simbu ya kukwata mbunge, mukemwo mwanendekele António Guterres Mukulunu wa Baka-kusoneka mu United Nations kutalesa ku nzita ili mukati ka Iran na Israel. Nendekele ngoco Lyasapalalo, April 13, 2024.

Nzita ili ku Middle East imwesa binzita bili mu kaye koshe.

“Ha simbu ino kuli manene binzita kutubakana byakeleko kunima kutunda ha Nzita ya Kaye Yamucibali. Co ebi binzita binaka banu babangi-bangi mu bukalu.”—Muzimbu wa United Nations Security Council wa lya January 26, 2023.

Mu mafuti anatako mukemwo muli nzita Israel, Gaza, Syria, Azerbaijan, Ukraine, Sudan, Ethiopia, Niger, Myanmar, na Haiti.a

Ebi binzita bikahwa tangwa lika? Kuma bantwama ba muno mu kaye basa kunena kwoloka ndi? Bika biyendeka Mbimbiliya?

Mu kaye muli nzita

Binzita bili mu kaye ano matangwa bimwesa ngwabyo ololo bamanesa binzita byoshe. Ebi binzita bili na kushulisilila bupolofweto bwa mu simbu ituli na kuyoya. Mbimbiliya inendeka kutalesa ku simbu yetu ngwayo “mamaneselelo a katumameno ka myaka ino.”—Mateu 24:3.

• Muyati ukalwisa muyati ukwabo, bumwene bukalwisa bumwene bukwabo.”—Mateu 24:6, 7.

Tandeni ñanda ya Ingilishi ya “What Is the Sign of ‘the Last Days,’ or ‘End Times’?” mangana mumone mubuli na kulishulisilila bupolofweto bwa binzita muno mu simbu yetu.

Nzita ije ikamanesa binzita byoshe

Mbimbiliya inendeka mubakamanesela binzita bya banu. Bakabimanesa bati? Keti banu bakebo bakabimanesa, oloni nzita ya Amagidoni “nzita ya litangwa lyakama lya Njambi Muka-nzili Yoshe.” (Kujombolola 16:14, 16) Munima yei nzita, Njambi akashulisilila cikulaheso cendi ca kwana banu kwoloka kwa myaka yoshe.—Bisamu 37:10, 11, 29.

Nga mushaka kuzibuka nzita ya Njambi ije ikamanesa binzita byoshe, tandeni ñanda ya “Nzita ya Alamagidoni Yapwa Ika?”