Watchtower LAIBRALI YA HA INTANETI
Watchtower
LAIBRALI YA HA INTANETI
Mbunda
  • MBIMBILIYA
  • MABULU
  • BIWANO
  • g22 Na. 1 pp. 13-15
  • 4 Kaleni na Lilabelelo

Haunanyateka kuhesi vidio.

Cabihya, kuli bukalu bunonowesa ei vidio kushokoloka.

  • 4 Kaleni na Lilabelelo
  • Toneni!—2022
  • Tumitwe twa Biñanda
  • Biñanda bya Kulifwa
  • BIKWAPWILA KWA SEHO
  • Bimunapande Kuzibuka
  • Bimwasa Kulinga
  • Mbimbiliya Itukwasa Kukala na Lilabelelo
  • Mbimbiliya Imikwasa Mulabelele Byuma Bija Kulutwe
    Likuweni Kuyoya Myaka Yoshe!—Kulilongesa Mbimbiliya Kumikwasa
  • Mbimbiliya Imikwasa Mulabelele Byuma Bija Kulutwe
    Likuweni Kuyoya Myaka Yoshe!—Bilongesa bya Mashangumukilo bya mu Mbimbiliya
  • Bika Bitukwasa Kukala na Lilabelelo mu 2024?—Bika Biyendeka Mbimbiliya?
    Biñanda Bikwabo
  • Kuli Kumwasa Kuwana Lilabelelo lya Busunga?
    Toneni! 2004
Tala Bikwabo
Toneni!—2022
g22 Na. 1 pp. 13-15
Mbimbiliya ya kufukuka ili kuyehi na cikopo muje muli nemo.

KAYE KANASHULU NA BYUMA BYABIBI

4 | Kaleni na Lilabelelo

BIKWAPWILA KWA SEHO

Kulishoshomwena manene ha bukalu kwasa kunenela banu bishoti na kubazeyesa. Co bwingi bwa banu kubesi kukala na lilabelelo. Bika bibakalingi?

  • Bamo kubesi kushaka kusinganyeka bya kulutwe.

  • Bamoco bakasinganyeka ngwabo nga banwa bwala nambe kupangesa mambanda a kupendesa, co batepulula ku bishoti.

  • Bakwaboco bakasinganyeka ngwabo kutsa kuli kulutwe kutubakana kuyoya. Ngwabo na seho ya kuyoya bene yahi.

Bimunapande Kuzibuka

  • Bukalu bumo bumuli na kuliwana nabwo bunapu bwa simbu yaindondo lika, byuma binasa kutenguluka simbu yoshe-yoshe.

  • Nameme bukalu bweni kubuhu, kuli bimo bimwasa kulinga bije byasa kumikwasa.

  • Mbimbiliya itukwasa kukala na lilabelelo. Inamwesa ngwayo bukalu bwoshe butuli na kuliwana nabwo bukahwa.

Bimwasa Kulinga

Mbimbiliya ngwayo: ‘Kesi mulishoshomwene bya litangwa lya imene, omwo litangwa lya imene likalimwena likelyo babenya. Litangwa na litangwa lili na bukalu bwalyo.’—Mateo 6:34.

Taleni bya litangwa na litangwa ha litangwa lyabyo. Keti mulishoshomwene manene bya kulutwe na kwonowa kulinga bimunapande kulinga litangwolyo.

Kulishoshomwena manene byuma binasa kulingiwa kulutwe kwasa kubwezelela ku bishoti bimuli nabyo na kumyonowesa kukala na lilabelelo.

BIKA BYASA KUMIKWASA?​—Bimwasa Kulinga

AKENI MBUNGE KU BYUMA BYABIBWA

Munakazi ali na kusinganyekesesa oku natala mu njanena.

Mbimbiliya ngwayo: “Kuyoya kwa kahutu simbu yoshe kwapwa kwa kayando, oloni banu ba kubwahelela, simbu yoshe bajolela mu kuyoya kwabo.” (Visimo 15:15) Nga mwaka manene mbunge ku bukalu, munasa kwonowa kunanguka ngweni kuli ngila ibwasa kuhwilamo nambe kutepuluka. Oloni kukala na biyongola byabibwa kumikwasa mukolese nambe kuwana ngila ya kumaneselamo bukalu bweni nambe kubutepulula.

  • Tepululeni ku simbu imutolilila, kutanda nambe kukenga mizimbu.

  • Ku mamaneselelo a litangwa na litangwa, singanyekeniko byuma bibali nambe bitatu byabibwa bimwasa kukandelela kuli obo banamilingilabyo.

  • Sonekeni byuma bimunapande kulinga ha litangwa na litangwa. Co sonekeni lika bije bimwasa kumanesa litangwolyo. Tepeni bipangi byakama mu mitamba-tamba ije imwasa kumanesa ha litangwa na litangwa.

LOMBENI BUKWASI

Munalume wa kakulukazi ali na kutakamesa mukwenje.

Mbimbiliya ngwayo: ‘Baje balyangununa ku bakwabo . . . babyana busunga buje bubazibuka bakwabo.’ (Visimo 18:1) Munu kasa kutunda mu cina ca kuloba ikeye babenya lika, kubanga mukwabo amukwase.

  • Lombeni babusamba na babushoko bweni bamikwase.

  • Co lalo neni waneniko bingila bimwasa kubakwaselamo. Kukwasa bakweni kumilingisa mujeneke kwaka manene mbunge ku bukalu bweni.

  • Nga muliziba ngweni kuyoya kwamifutula, co mumona ngwe na seho ya kuyoya bene yahi, mwasa kulimona na ndotolo. Bisimbu bimo kulishoshomwena manene kunasa kumwesa ngwabo muli na kubinja mushongo umo wa kufwa ngwe kwombwa. Banu babangi banawana bukwasi ku baka-kusaka.a

a Ei Toneni! kuyesi na kumwesa ngila imo yaibwa manene ya kusakelamo mushongo umo.

Mbimbiliya Itukwasa Kukala na Lilabelelo

Muka-kwimba umo walombelele kuli Njambi ngwendi: “Lijwi lyobe likelyo ndeya ku myanja yange, na ceke mu ngila yange.” (Myaso 119:105) Tumoneni omwo Mbimbiliya inalifwila na ndeya na ceke.

Nga kuli lisusulungu, ndeya yasa kutukwasa kumona hatulyata. Mu ngila imolika, Mbimbiliya nayo yasa kutukwasa kwangula mwamubwa byakulinga bije binasa kutukaluwila.

Ceke casa kututetekela mu ngila na kutukwasa kumona bili na kwija kulutwe. Mu ngila imolika, Mbimbiliya itukwasa kuzibuka ngwetu byuma bikakala mwamubwa kulutwe.

Mbimbiliya kuyendekele lika binalingiwa mu kuyoya kwa banu kushwa kusañulu, itukwasa lalo kukala na lilabelelo. Inamwesa:

Mutwashangumukilile tuyando

Mbimbiliya ngwayo: ‘Bubi bwezile hano ha kaye kwitila muli munu umolika, co bubi bwendi bunanene kutsa. Co kutsa kunete ku miyati yoshe ya banu omwo boshe banalingi bubi.’—Loma 5:12.

Binalingisa bifulumende byonowe kumanesa bukalu bwa banu

Mbimbiliya ngwayo: “Munu ikeye babenya na mana endi kasa kwangula ngila yaibwa ngeci endemo.” (Njelemiya 10:23) Co byuma bili na kulingiwa mu kaye bili na kumwesa ngwabyo awa majwi a busunga.

Njambi mwakamanesela bukalu bwoshe bubali na kuliwana nabwo banu

Mbimbiliya ngwayo: “Akasikumuna misozi yoshe ku mesho abo. Co kukukakala kutsa nambe busiwa nambe kulila nambe kukemanga.”—Kujombolola 21:4.

Cikupulo ca mu vidio ya “Bika Bimunapande Kulilongesela Mbimbiliya?” Munakazi ali na kulekako muka-limbo lyendi byanatanda mu Mbimbiliya.

ZIBUKENI BYABINGI. Kengeni vidio ya Bika Bimunapande Kulilongesela Mbimbiliya?

    Mabulu a Mbunda (1987-2025)
    Tundaho
    Kobela
    • Mbunda
    • Anako bakweni
    • Biushaka
    • Copyright © 2025 Watch Tower Bible and Tract Society of Pennsylvania
    • Mashiko a Mwakuipangesela
    • Mwakupangesela Mizimbu Yobe
    • Mwakunonekela Mizimbu Yobe
    • JW.ORG
    • Kobela
    Anako Bakweni