DIˈIB MIIMP MÄ NYIˈAK: ¿JABÄÄT TIJATY JYËJPKËXY KO JÄˈÄY YˈOOKY?

¿Nuˈunë mëkˈäjtën tmëdatyë oˈkën?

Kyaj pën tmaytyäˈägäˈänyë oˈk tëgoˈoyën, yëˈko yajkypyë jäj jëmuˈumën. Per niˈamukë nˈoˈkëm.

Kyaj nnayjëjpˈijxëm ko yˈooky tuˈugë teety, nyaˈay o tuˈugë uˈunk. Mbäät ajotkumonë pën yˈooky o mbäät jeky yˈayoy. Per oy wiˈix pën yˈooky, xëmë njäˈäwëmë jäj jëmuˈumën, xyˈaxëktuˈunëm ets kyaj mbäät nyajjëgakëm.

Antonio diˈibë tyeetyë karrë yaˈoˈkë, jyënaˈany: “Duˈunxyëp extëm pën tˈatsäˈäyë mdëjk ets mbëjkxëtyë mˈawatsn. Ninäˈä mbäät mganekytyëkë, jeˈeyë xyˈakjamyetsy. Ets tsojkëp xykyupëkët oy mjawinmay ko kyajxyëp tiko duˈun të mjaty, per kyaj mbäät ti xynyekytyuny”.

Dorothy diˈib Inglaterra, diˈibë nety tuump maˈestrë ets dyaˈëxpëkyë ënäˈkuˈunk domingë xëë, ja netyë jyëmëjt 47 ko nyaˈay yˈoˈky. Kyaj nety yˈity seguurë pën jabäät tijaty jyëjpkëxy ko jäˈäy yˈooky, ets nyijawëyaambyë nety tijaty nayajtëëwëp. Pääty dyajtëëyë pyastoor: “¿Wiˈix njäjtëm ko nˈoˈkëm?”. Ta yˈatsoowë: “Nipën tkanijawë. Tsojkëp nˈawijxëm ets nˈijxëm ti diˈib tuun jäjtëp”.

Per ¿waˈandaa tyëyˈäjtënëty? ¿Tsojkëbëdaa nˈawijxëm, o mbäädëdaa nbayoˈoyëm pën jabäät tijaty jyëjpkëxy ko tuˈugë jäˈäy yˈooky?