Këˈëmëts naymyëmääy naymyëdäjë

WIˈIXËTS TË NJUKYˈATY:

Jamëts nmutskˈäjty mä ijty yajtijy República Democrática Alemana, diˈib myëwingonˈäjtypyë Leipzig naa tamyë nyaymyëtsëbäˈänˈatyëty mëdë Polonia etsë República Checa. Kojëtsë njëmëjt tëdujk, tajëts ojts nëjkxtë tsënaabyë Brasil mët ko japëtsë ndeety tyuuny, ets ok, ta Ecuador.

Kojëtsë njëmëjt mäjmäjkts, tajëtsë ndääk ndeety xykyajxëmbijttë Alemania parëts nˈëxpëkët mä tuˈugë internado. Këˈëmëts naygyuentˈäjtë, pes jagamëtsë nety nyajpatnë. Këˈëmëts nnayˈanaˈamë ets kyajëts nmëjpëjtaky oyëtsë jäˈäy axëëk nyajnayjäˈäwë.

Kojëtsë njëmëjt nmëdäjty 17, tajëtsë ndääk ndeety jyëmbijttë Alemania ets waanëts mëët nˈijttë. Kom këˈëmëtsë nety nayˈanaˈamäˈänyëty, ojtsëts xytsyiptakxë ngupëkët wiˈixëts xyˈanaˈamäˈändë. Pääty kojëtsë njëmëjt nmëdäjty 18, tajëts ojts ntsoˈonë mäjëtsë ndëjk.

Extëmtsë nety njukyˈaty, tuˈuk tuˈugë xëë, kyajtsë nety njotkujkˈaty, tajëts nnijawëyany tiko të nmiˈinëm yä Naxwiiny. Ojtsëts nbayoˈoy mä kanäägë grupë ets mä kanäägë organisasion, tajëts nwinmääy ko diˈib mas oy, yëˈë kojëts ndukˈyoˈoyëdë it naxwinyëdë mä jäˈäy tkayajwindëgooytyaˈaynyëm.

Tajëts njuuy tuˈugë motosikletë etsëts ntsoˈony Alemania parëts ojts nëjkxy África. Per ko myaˈty, tajëts njëmbity Europa. Kojëts nyaˈˈaˈoˈoyë, tajëts ojts nëjkxy mä tuˈugë mejnybyäˈä diˈib Portugal. Japëts nwinmääy ko nik oyëts ndukˈyoˈoyëdë naxwinyëdë barkoty ets kyaj motëkëjxy.

Tajëts nduˈukmujky mëdë ënäˈktëjk diˈibë nety barkoty tyuknaxandëbë océano Atlántico. Niduˈuk yëˈë Laurie, diˈibëts ok nnëdoˈoxyˈäjt. Tajëts njäjttë axtë mä mejnybyäˈä diˈib Caribe ets kojëts waanë ojts nwëˈëmdë Puerto Rico, tajëts njëmbijttë Europa. Yëˈëtsë nety nˈëxtääytyëp tuˈugë barkuˈunk mëdë Laurie parëts nyaˈoytyëkëyäˈändë etsëts jap ntsëënëyäˈändë. Per kyajts duˈun nekytyuundë, pes kyumdëgëk poˈo, tajëts xymyajtsyë soldäädëtëjk diˈib Alemania parëts nsoldäädëˈatët.

Mäjmokx poˈojëts nsoldäädëˈäjty mä mejny, ets mä tadë tiempë, tajëts nbëjky mëdë Laurie. Per kom duˈunyëmëtsë nety ndukˈyoˈoyäˈändë it naxwinyëdë. Tëjëtsë nety njuytyë tuˈugë lantsyë mäjëts ngayajmatsynyëm, ets mientrësëts nduuny soldäädë, tajëts nyaˈoytyëjkëdë parëts nyajjëmbitäˈändë extëm tuˈugë barkuˈunk. Duˈunëtsë nety nwinmaytyë parëts jap ntsëënëyäˈändë etsëts ndukˈyoˈoyäˈändë it naxwinyëdë. Per tajëtsë Jyobaa tyestiigë xymyëtmaytyaktë etsëts nˈëxpëjktsondaktë Biiblyë, kyajnëmtsë nety ja barkë nyaˈoˈoyëtyaˈay ets jeˈeyëtsë nety të naa pëtsëmy soldäädë.

BIIBLYË YAJTËGÄJTSËTSË NJUKYˈÄJTËN:

Nwinmääyëts ko kyajtsë nety kajaa ndëgatsäˈäny, pes tëjëtsë nety nbëky mëdë Laurie diˈibëtsë nety mëët ntsëënë ets kyajtsë nety nekyjyuˈuky (Éfesʉ 5:5). Nanduˈunëts nwinmääy ko tuk pëky wiˈixëts mbäät nyajtunyë njukyˈäjtën, yëˈë kojëts ndukˈyoˈoyëdë it naxwinyëdë parëts nˈixët tijatyë Dios të dyajkojy.

Per tsojkëbëtsë nety nˈakˈyajtëgatsëdë njäˈäyˈäjtën. Pes duˈunyëmëtsë nety mëj këjxm nnayjawëty, nayˈaneˈemyëty ets ndukmëj ndukpäädëts tijatyëts njäjtypy ets tijatyëts nmëdäjtypy. Këˈëmëtsë nety naymyëmay naymyëdäjˈyëty.

Tëgok, tajëts ojts ngajpxy diˈibë Jesus myaytyak mä Mateo kapitulo 5 axtë 7. Xyajmonyˈijx xyajmonyjäˈäwëts wiˈixë Jesus tnimaytyakyë jotkujkˈäjtën. Extëm ko jyënany, ko yëˈë pyattëbë jotkujkˈäjtën pënaty yuˈoˈkëdëp ets tëtsëdëp (Mateo 5:6, Traducción del Nuevo Mundo [TNM]). Per tajëts nayajtëëwë wiˈixën jyotkujkˈattë pën tëtsëdëp ets yuˈoˈkëdëp. Kojëts niˈigyë nˈëxpëjkyë Biiblyë, tajëts nbëjkyë kuentë ko niˈamukë nyajtëgoyˈäjtëmë Dios ets ko tsojkëp jawyiin nˈëxkäjpëm ko nyajtëgoyˈäjtëm parë nbatëm. Duˈun extëmë Jesus jyënany: “Jotkujk yajpäättë pënaty jyäˈäwëdëp ko yajtëgoyˈäjttëbë Dios” (Mateo 5:3, TNM).

Tajëts nˈëxpëjktsondakyë Biiblyë mëdë Laurie jap Alemania, per tajëts ojts nëjkxtë Francia ets ok Italia. Oymyääjëty nbattëtsë Testiigëty, ets diˈibëts xyajmonyˈijx xyajmonyjäˈäwë, yëˈë ja tsojkën diˈib myëdäjttëp ets ko yˈittë tuˈugyë. Nˈijxëts ko yˈittë extëm tukaˈaxpëm abëtsemy nyaxwinyëdë (Fwank 13:34, 35). Ok, tajëts nëbajttë.

Per oyëtsë nety të njanëbajnë, duˈunyëmëts nyajtëgäjtsˈadëtsyë njäˈäyˈäjtën. Tajëts nduknibëjtakëdë mëdë Laurie nëjkxäˈändëts nuˈunë myejnybyäˈäjë África ets nduknaxäˈändëtsë Atlántico axtë Estados Unidos. Kojëts nyajpaty mejnyˈitkujky yëˈëyë mëdëtsë nëdoˈoxy mä tuˈugë mutsk barkuˈunk ets ak yëˈëyë këxëˈkpë mejny, tajëts nbëjkyë kuentë ko kyaj ti ntsooˈäjtëm ko nnayˈijxkijpxyëm mëdë Dios. Kom nmëdäjtypyëtsë nety kajaa tiempë, tajëts ojts ngajpxyë Biiblyë, pes kyaj mbäät ti yajtuny mejnyˈitkujky. Diˈibëts mas niˈigyë xyajwinmääy, yëˈë wiˈixë Jesus jyukyˈajty, pes ninäˈä kyanayajmëjpëtsëëmë oyë nety wyäˈäts jäˈäyëty ets jantsy oy jyaˈayˈaty. Diˈib mas jëjpˈam pyëjtak mä jyukyˈäjtën, yëˈë Tyeety.

Kojëts nbawinmääy wiˈixë Jesus jyukyˈajty, tajëts nbëjkyë kuentë ko kyajts jeˈeyë mbäät nyajtunyë tiempë diˈib nadëjkëp mä Diosë yˈAnaˈam Kyutujkën, tsojkëbëtsë nety jëjpˈam nbëjtäˈägët mäjëtsë njukyˈäjtën (Mateo 6:33, TNM). Jantsy jeˈeyëts njäjttë Estados Unidos, tajëts nduknibëjtakëdë parëts jap ngopkpëkanëdë etsëts nmëdundëdë Dios.

WIˈIXËTS NDUKˈOYˈATY:

Kojëts këˈëm naymyëmääy naymyëdäjë, ninäˈäts ngaˈijty seguurë pën oybyëtsëmëp tijatyëts nduknibëjtakë. Per tyam, tëjëts nbäätyë wijyˈäjtënë diˈibëts xytyuˈumoopy (Isaías 48:17, 18). Ets nan tëjëtsë net nnijawë ko pääty të nmiˈinëm naxwiiny parë nˈawdäjtëmë Dios ets nbudëjkëmë jäˈäy parë yˈixyˈatëdët.

Tyam, mët yëˈëgyëjxmë Biiblyë kyäjpxwijën, niˈigyë yˈoyëtsë ntsënäˈäy njukyˈäjtënë mëdë Laurie. Jyobaa nan tëjëts xykyunuˈkxtë mëdëts tuˈugë nëëx diˈib jantsy tsuj, diˈib nanduˈun ixyˈäjtëp ets tsojkëp.

Wiˈixëmëtsë amay jotmay të nbäättë, perë Jyobaa ninäˈäjëts të xykyamatstuˈuttë. Tëjëts nduknibëjtäägëdë ko kyajts nˈëxtëkëwäˈägäˈändë ets xëmëts ndukˈijxpatäˈändë (Proverbios 3:5, 6).