¿Të mˈoktuumbë prekusoor regulaar?
1. ¿Ti tuungë nmëguˈukˈäjtëm jyantsy tyukxondaktëp, per ti nääk të ttundë?
1 Nuˈun kujkë xëë tiempë nyaxy, milˈamë nmëguˈukˈäjtëm tyundë prekusoor, dyaˈëxpëktë jäˈäy “es tkäjxwäˈxtë ja oybyë ayuk” (Apos. 5:42). Per näägëty të tmastuˈuttë tyäˈädë tuunk diˈibë naty jyantsy tyukxondaktëp mët ko wiˈixëmë amay jotmay të tpäättë. Pën mijts të xymyastuˈuty, oyxyëp ko jatëgok xyˈixy pën mbäät mduny prekusoor.
2. Pënaty të yˈoktuumbë prekusoor, ¿tiko yˈoyëty tˈixët pën mbäät jatëgok tyuny?
2 Tyëgatsyë jukyˈäjtën. Waˈan tyam kyaj xyˈokmëdäjnë ja jotmay diˈib mdukmastutë ko mduuny prekusoor. Extëm nˈokpëjktakëm, waˈan kyaj ojts xynekyyajkaˈpxy 90 oorë. ¿Këdii oyxyëp ko jatëgok xyajtsondaˈaky extëm tyam jeˈeyë yaˈˈamdoy 70 oorë? O waˈan ja mduunk wanaty të yˈawaanë, o kyaj nëgoo ja tuunk xynyekymyëdaty mä mfamilyë extëm ijty. Tuˈugë nmëguˈukˈäjtëm diˈibë naty tuump prekusoora tmastuty mët ko pyäˈämbejty, per ta jatëgok tyuundëjkë ko jyëmëjt tmëdäjty 89. Pes ko nyajxy tuk jëmëjt ets kyaj nyekyyajmënëjkxy hospital, ta wyinmääy ko të yˈagëdaknë ets ko oy jatëgok tyunët prekusoora.
3. ¿Wiˈix mbäädë familyë nyaybyudëkëdë parë niduˈuk tyunët prekusoor?
3 Waˈan ninäˈänëm mgatuny prekusoor, per waˈan niduˈugë mfamilyë të yˈoktuumbë ets ojts tmastuˈuty mët ko tkuentˈäjty niduˈuk ja fyamilyë, extëmë tyääk o ja tyeety diˈib të myëjjäˈäyënë (1 Tim. 5:4, 8). ¿Mbäät mijts xypyudëkë o wiinkpë mmëguˈuk parë jatëgok tyunët prekusoor? ¿Tiko xykyaˈëmuk xykyakäjpxmuktë? (Pro. 15:22.) Mëjwiin kajaa tsyobääty ko ja familyë nyaybyudëkëdë parë niduˈuk tyunët prekusoor.
4. ¿Ti mbäät xytyuny pën tyam kyaj mbäät jatëgok mduny prekusoor?
4 Këdii mˈëxtëkëwaˈaky pën tyam kyaj mbäät jatëgok mduny prekusoor. Jotkujkë Jyobaa nyayjawëty oy jeˈeyë duˈumbë tsojkënë xymyëdaty (2 Kor. 8:12). Pääty, yajtun mä jäˈäy xyaˈëxpeky diˈib ojts xyjaty ko mduuny prekusoor. Anëëmë Jyobaa ko mdunäämp jatëgok prekusoor ets ix näˈä yˈoyë wanaty ja mjukyˈäjtënë parë mbäät jatëgok mduny (1 Fwank 5:14). Mbäät okë Jyobaa dyaˈˈawatsy “tuˈugë tuˈu” parë niˈigyë xymyëdunët ets xypyäädët jatëgokë agujkˈäjt jotkujkˈäjtën diˈibë naty mmëdäjtypy ko mduuny prekusoor (1 Kor. 16:9).