Waˈan dyajtunyë Diosë tsyojkën
1. ¿Ti txëˈatäˈäny ja tuˈukmujkënë tuk xëëbë ets tiko jyëjpˈamëty nëjkx nmëdooˈijtëm?
1 Jyobaa kyëˈëm tsojkënygyëjxm ojts xyajkojëm (Diˈibʉ Jat. 4:11). Parë net tsyobäädët ja jukyˈäjtën, jëjpˈam nnijäˈäjëm ti Dios tsyojkënyëˈajtypy ets yëˈë nduˈunëm. Mbäät yajmëdoy ko kyaj jyawë tsyipëty, per tsiptakp mët ko duˈun tijaty ndunäˈänëm extëm myiny mä jot winmäˈäny ets extëm ttseky “ja nniniˈxˈäjt ngëbäjkˈäjtëm” o extëm “jyikyˈattë pënëty kyaj tmëdundë Dios” (Éfe. 2:3; 1 Peed. 4:3; 2 Peed. 2:10). Koxyëbë Dios xykyapudëjkëm, tsojkxyëp xymyäjtsëmë Mëjkuˈu ets xytyuktuˈunëm “oytyiity extëm yëˈë ttseky” (2 Tim. 2:26). Ja tuˈukmujkënë tuk xëëbë diˈib tsondäˈägäämp septiembrë 2011 axtë agostë 2012, ja txëˈatäˈäny: “Waˈan dyajtunyë Diosë tsyojkën”. Yëˈë xypyudëkëyäˈänëm parë nduˈunëm extëmë Jesus ojts tnigajpxy mä ja myëdëgëk pekypyë padrenuestro (Mat. 6:9, 10).
2. ¿Tijaty yaˈˈatsoojëmbitäämp mä ja tuˈukmujkënë tuk xëëbë?
2 Tijaty yajtëˈëwën yaˈˈatsoojëmbitäämp. Mä nyaxäˈäny ja tuˈukmujkënë tuk xëëbë, mëdooˈit wiˈix yaˈˈatsoojëmbitäˈänyë tyäˈädë yajtëˈëwën: ¿Ti nanduˈun tsojkëp nduˈunëm ets kyaj jeˈeyë nmëdoˈoˈijtëmë Diosë yˈAyuk? ¿Wiˈix mbäät nˈaktimnijäˈäjëm tijatyë Dios xytyukmëtsojkëm? ¿Tiko mbäät nbudëjkëmë jäˈäy xondaˈakyˈää xondaˈakyjyot? ¿Wiˈix mbäät nbatëmë agujkˈäjt jotkujkˈäjtën mä jukyˈäjtën? Ënäˈktëjkëty, ¿ti mbäät xytyukˈixtë Jyobaa? ¿Ti kunuˈkxën nˈaxäjëm ko nduˈunëmë Diosë tsyojkën? ¿Tiko jyëjpˈamëty nbudëjkëmë nmëguˈukˈäjtëm ets njotmëkmoˈoyëm?
3. ¿Ti mbäät nduˈunëm parë ndukˈoyˈäjtëm mä tyunäˈänyëty ja tuˈukmujkënë tuk xëëbë?
3 Tunë mëjää parë mnëjkxët mä ja tuˈukmujkën ets nanduˈun parë xymyëdooˈitët tijaty naxäämp. Waˈan ja nmëguˈukˈäjtëm diˈib të yajwoy parë ja diskursë dyajnaxët tsyoony Betel o tuˈugë sirkuitë. Oyxyëp ko mëët mgajpxy maytyaˈaky ets nanduˈun mët ja nyëdoˈoxy pën jam, ko jyëjpkëxët ja tuˈukmujkën o mä kyatsondaˈakynyëm. Ets ko net mjäˈtët mä mdëjk, ta xynyimaytyäˈäktët mëdë mfamilyë tijaty të yajnimaytyaˈaky parë kyaj xyjaˈaytyëgoytyët ets wiˈix mbäät niˈigyë xytyuunëdë Diosë tsyojkën (Sant. 1:25).
4. ¿Tiko jyëjpˈamëty nduˈunëmë Diosë tsyojkën ets nbëjtakëm jëjpˈam?
4 Jyobaa tim tsojk dyajkutëgoyaˈanyë jäˈäy diˈib yëˈëyë tyuundëbë kyëˈëmtsojkën ets kyaj ttunanëdë Diosë tsyojkën (1 Fwank 2:17). Pääty, ¡mëjwiin kajaa njantsy myëjjäˈäwëm ko Jyobaa duˈun të ttuknibëjtäägë tyäˈädë tuˈukmujkën! Pes yëˈë diˈib xypyudëkëyäˈänëm parë nduˈunëmë Diosë tsyojkën ets nbëjtakëm jëjpˈam.