¿Ti mbäät xyajxondakëm?

1. ¿Ti diˈib xyajxondakëm ko tuˈuk tuˈugë poˈo kyexy?

¹ Ko tuˈuk tuˈugë poˈo kyexy, ta ngëyäjkëmë informë mä nuˈun të nduˈunëm ets yëˈë diˈib xyajxondakëm (Gal. 6:4). Niˈamukë mbäät jotkujk nnayjäˈäwëm ko nduˈunëmë mëjää parë Jyobaa nmëduˈunëm amumduˈukjot, oy nduˈunëm prekursoor espesial ets ngëyäjkëm 130 oorë, o oy waanë nduˈunëm extëm näägë nmëguˈukˈäjtëm diˈib të yajkupëky ets jeˈeyë tyundët 15 minutë (Sal. 100:2).

2. ¿Tiko mbäät nmëduˈunëmë Jyobaa?

² Jyobaa diˈib Anaˈamp abëtsemy nyaxwinyëdë, yëˈë nitëjkëp ets nmoˈoyëm diˈib mas oy (Mal. 1:6). Yëˈë të ndukëdëjkëmë jukyˈäjtën parë xëmë nmëdunäˈänëm mët ko ntsojkëm. Ets jantsy oy nnayjäˈäwëm ko tuˈuk tuˈugë xëë nyaxy o poˈo kyexy ko nmoˈoyëmë Jyobaa diˈib mas oy, ja xëë tiempë, wijyˈäjtën etsë jot mëjää mä nduˈunëmë tyuunk (Pro. 3:9). Per pënë jot winmäˈäny xyˈanmäˈäyëm ko mbäät mas niˈigyë nduˈunëm, ta net nˈijxëm wiˈix mbäät nduˈunëm (Rom. 2:15).

3. ¿Tiko kyaj yˈoyëty ets nnayˈijxkijpxyëm?

³ Kyaj nnayˈijxkijpxyëm mëdë wiink jäˈäy. Kyaj yˈoyëty nnayˈijxkijpxyëm o nwinmäˈäyëm ko niˈigyë ijty nduˈunëm ko jot mëjää nmëdäjtëm. Tëgäjtspë jukyˈäjtën ets nan kyaj tuˈugyë wijyˈäjtënë nmëdäjtëm. Ko xëmë nnayˈijxkijpxyëm mbäät njäˈäwëmë naywyinaxë o nnayjäˈäwëm ko kyaj ti ntsooˈäjtëm (Gal. 5:26; 6:4). Jesus myëjkumääyë jäˈäy mä tijaty tyuundë, pääty jyënany ko kyaj yˈoyëty nnayˈijxkijpxyëm (Mar. 14:6-9).

4. ¿Ti xytyukniˈˈijxëm ko Jesus tnimaytyaky ja tuumbëtëjk diˈib yajmooytyë oorë meeny?

⁴ Jesus nyimaytyak ja tuumbëtëjk diˈib yajmooytyë oorë meeny “niduˈuk niduˈuk extëm mbäät tmëmadaˈaky” (Mat. 25:15). Ko jyëmbijty ja wintsën, ta tˈijxy wiˈixë nety të tyundë, ets tmëjkumääy ja diˈibë nety mëk të tyundë extëm të myadäˈäktë. Ta niduˈuk niduˈuk tˈanmääy: “Min es nxondakëm” (Mat. 25:21, 23). Nanduˈun tyam, pën ëwäˈkx käjpxwäˈkxëm netë Dios xykyupëjkëm ets nëjkxëp nˈijtëm agujk jotkujk.