Nˈokˈyajtuˈunëmë jukyˈäjtën parë nmëjkumäˈäyëmë Jyobaa

Mëjwiin kajaa tsyobäätyë jukyˈäjtën. Ets extëm njukyˈäjtëm, ja nyigëxëˈëgäˈäny pën nyajtsobatëm. Niˈamukë nduˈunëmë mëjääw parë nyajtuˈunëmë wijyˈäjtën ets nmëjkumäˈäyëmë Jyobaa, diˈib të dyakyë jukyˈäjtën (Sal. 36:9; Diˈibʉ Jat. 4:11). Per extëm tyam jyaˈˈatyë jotmay tuˈuk tuˈugë xëëw, mbäät kyaj jëjpˈam nˈokpëjtakënë Diosë tyuunk (Mar. 4:18, 19). Pääty oy ko niˈamukë nnayajtëˈëwëm: “¿Yëˈëts nmoobyë Jyobaa diˈib mas oy? (Os. 14:2). ¿Xypyudëjkëbëts o xyˈaxëktuumbëts ja ngarreerë o ja nduungëts mäts nmëdunyë Jyobaa? ¿Tijatyëts të nduknibëjtäägë ndunäˈäny mä Diosë tyuunk? ¿Wiˈixëts mbäät nyajmëjwindëkë?”. Pën mwinmaapy ko mbäät niˈigyë mduny, mënuˈkxtäˈägë Jyobaa parë mbudëkëdët ets mnayajtëgatsëdët. Pes ko nmëjkumäˈäyëmë Jyobaa tuˈuk tuˈugë xëëw, yëˈë duˈun diˈib xyyajnayjäˈäwëm agujk jotkujk (Sal. 61:8).

IXË BIDEO YAJTUNË MWIJYˈÄJTËN PARË JYOBAA, TA XYˈATSOOWËMBITËDË TYÄˈÄDË YAJTËˈËWËN:

• ¿Tiko kyaj yˈoyëty nyajtuˈunëmë wijyˈäjtën mä Satanásë jyaˈay? (1 Fwank 2:17).

• ¿Tijaty kunuˈkxën yˈaxäjëdëp pënaty myooytyëbë Jyobaa diˈib mas oy myëdäjttëp?

• ¿Mäjatyë mwijyˈäjtën xyyajtunäˈäny mä Diosë tyuunk?