WIˈIX JYUKYˈATYË DIOS MËDUUMBË
Ënäˈktëjk, ¿yëˈë Jyobaa ja mas oybyë mmëtnaymyaayëbë?
¿Wiˈix xytsyoky jyaˈayˈatët ja diˈib mmëtnaymyaayëbëˈataampy? Waˈan yëˈë xyˈëxtäˈäy diˈib oyjyaˈay, yäjkpëjäˈäy ets diˈib xëmë mëët myajpäädët. Pes duˈunënë Jyobaa jyaˈayˈaty (Éx. 34:6; Apos. 14:17). Jyobaa myëdoowˈijtypy ko xymyënuˈkxtaˈaky ets mbudëjkëp koogoo xyyajtëgoyˈaty (Sal. 18:19, 35). Nan mbokymyaˈkxëp ko mdëgoy (1 Fwank 1:9). ¡Nëgooyë yˈoyˈäjnë ko mëdë Jyobaa nnaymyaˈayëm!
¿Ti mbäät xytyuny parë mëdë Jyobaa mnaymyaaybyëkëdët? Ko xyˈixyˈatët. Ets mbäät xyˈixyˈaty ko xykyäjpxëdë Biiblyë ets ko xytyukˈijxpatët (Sal. 62:8; 142:2). Tukˈixë Jyobaa ko tijaty yëˈë yajtsobatypy, mijts nan myajtsobatypy, extëmë yˈUˈunk, yˈAnaˈam Kyutujkën ets tijaty të twandaˈaky. Tuknijawë wiink jäˈäy pënën Jyobaa (Deut. 32:3). Ko mnaymyaaybyëkëdët tyam mëdë Jyobaa, winë xëëw winë tiempë mëët mnaymyayaˈanyëty (Sal. 73:25, 26, 28).
KO NETY TË YAˈIJXTÄˈÄYË BIDEO ËNÄˈKTËJK: “JAWËDË ETS IXTË KO JYOBAA OYJYAˈAY”, TA YAˈˈATSOOWËMBITËDË TYÄˈÄDË YAJTËˈËWËN:
¿Ti mbäät xytyuny parë mnaywyandäˈägëdët mä Jyobaa ets mnëbatët?
¿Wiˈix mbäät mbudëkëdë nmëguˈukˈäjtëm diˈib mëët mˈyoˈoytyë reunyonk parë mas oyë Jyobaa xymyëdunët?
¿Tiko mas niˈigyë mnaymyaaybyëkäˈänyëty mëdë Jyobaa ko mnëjkxët ëwäˈkx käjpxwäˈkxpë?
Mbäät mnaymyayëty mëdë Jyobaa winë xëëw winë tiempë.
¿Wiˈix yˈawäˈätsäˈänyë mjënˈääw mdëjkˈääw parë mas niˈigyë xymyëdunëdë Jyobaa?
¿Ti diˈib mas mˈoyˈijxypy mä Jyobaa?