LEKSION 08
Mijts mbäät mëdë Jyobaa mnaymyayëty
Jyobaa tsyojkypy ets mas niˈigyë xyˈixyˈatët. ¿Tiko? Yëˈko pën mˈixyˈajtypy mas niˈigyë wiˈix jyaˈayˈaty, wiˈix tijaty ttuny ets ti mëdiˈibë mdukmëtsojkëp, ta mas niˈigyë mëët mnaymyaaybyëkäˈänyëty. Per ¿mbäädëdaa mëdë Dios nnaymyaˈayëm? (Käjpxë Santya̱ˈa̱gʉ 2:23). ¿Ti mbäät xytyuny parë mëët mnaymyayëdët? Biiblyë nyimaytyakypy ti mbäät xytyuny ets tiko jyëjpˈamëty xymyëwingonëdë Dios, nyigajpxypy nanduˈun ko nitii duˈun kyatsobääty extëm ko mëët nnaymyaˈayëm.
1. ¿Wiˈixë Jyobaa mˈanëˈëmxëty?
“Mëwingondë Dios, es yëˈë nandëˈën mmëwingonëdëp miitsëty” (Santya̱ˈa̱gʉ 4:8). ¿Ti yäˈädë yˈandijpy? Ko Jyobaa mˈanmääyëp ets xymyëwingonët. Näägë jäˈäy tsip tmëbëktët ko mbäät oy yˈittë mëdë Dios mët ko kyaj tˈixtë. Perë Dios të xymyoˈoyëmë Biiblyë parë nnijäˈäwëm wiˈix jyaˈayˈaty ets duˈuntsoo nmëwingoˈonëm. Ko ngäjpxëm mä Biiblyë wiˈix japë Dios xymyëgäjpxëm, ta mas niˈigyë nmëwingoˈonëm oy ngaˈijxëm.
2. ¿Tiko njënäˈänëm ko nituˈugë mëtnaymyaayëbë kyajaˈˈaty extëmë Jyobaa?
Nipën duˈun xykyatsojkëm extëmë Jyobaa. Yëˈë tsyojkypy mˈitët agujk jotkujk ets mbäät xymyëgajpxy näˈä xytyimˈyajtëgoyˈatyë naybyudëkë. Pääty, tukkëdëkë “tëgekyë Dios diˈibë mjotmayˈajtypy, mët ko yëˈë naytyukjotmaytyuunëp” mët mijts (1 Peedrʉ 5:7). Ko oy mˈitët mëdë Jyobaa, listë yajpäädäˈäny parë mbudëkëyaˈanyëty, mjotkujkmoˈoyaˈanyëty ets tmëdoowˈitäˈäny wiˈix xyˈanëëmë (käjpxë Salmo 94:18, 19).
3. ¿Ti Jyobaa tsyojkypy ttunët ja mëdiˈibë mëët nyaymyayëty?
Jyobaa niˈamukë jäˈäy ttsojktäˈäy, per yëˈëyë “jantsy oy mëët nyaymyayëty ja mëdiˈibë tyuumbyë tëyˈäjtën” (Proverbios 3:32). Jyobaa tsyojkypy etsë myëtnaymyaayëbëty ttundët mëdiˈibë oy ets tjëjpkudijëdët ja axëkˈäjtën. Näägë jäˈäy jyënäˈändë ko tsip nguytyuˈundäˈäyëm tijatyë Jyobaa nyiˈanaˈamëp, per yëˈë jyaygyujkëp wiˈix nyaˈijx nyajpatëm. Kyupëjkypy pënaty tsojkëdëp amumduˈukjot ets mëdiˈibë tyuundëp ja mëjääw parë myëmëdowëdë (Salmo 147:11; Apostʉlʉty o Hechos 10:34, 35).
AK NIJAWË NIˈIGYË
Min nˈokˈijxëm wiˈix mbäät mas niˈigyë Jyobaa xymyëwingony ets tiko njënäˈänëm ko yëˈë ja mas oybyë mëtnaymyaayëbë.
4. Abrahán naymyaayë mëdë Jyobaa
Abrahán o Abrán mëdiˈibë yajmaytyakp mä Biiblyë, xymyoˈoyëm tuˈugë ijxpajtën mä ti mbäät nduˈunëm parë nnaymyaˈayëm mëdë Dios ets wiˈix xykyunuˈkxäˈänëm. Käjpxtë mä Génesis 12:1-4 ets nimaytyäˈäktë mëdiˈibë yä yajtëëpy:
¿Ti Jyobaa tyukˈanaˈamë Abrahán?
¿Ti Jyobaa tyukwandakë Abrahán?
¿Ti tyuunë Abrahán ko Dios myëgäjpxtääyë?
5. ¿Ti Jyobaa tsyojkypy ttunët ja myëtnaymyaayëbë?
Tuˈugë mëtnaymyaayëbë kuanë ko jam ti xytyukmëduˈunëm.
¿Ti mtsojkypy mdukmëdunëdët ja mëtnaymyaayëbë?
Käjpxtë 1 Fwank 5:3 ets nimaytyäˈäktë mëdiˈibë yä yajtëëpy:
¿Ti Jyobaa tsyojkypy ttundët ja myëtnaymyaayëbëty?
Parë nmëmëdoˈowëmë Jyobaa, näˈäty tsojkëp nyajtëgäjtsëm ja jukyˈäjtën o wiˈix njäˈäyˈäjtëm. Käjpxtë Isaías 48:17, 18 ets nimaytyäˈäktë mëdiˈibë yä yajtëëpy:
¿Tiko Jyobaa tˈanëëmë pënaty mëët nyaymyayëty ets nyayajtëgatsëdët?
Tuˈugë mëtnaymyaayëbë xyˈanmäˈäyëm ti mbäät nduˈunëm parë kyaj ti xyjäjt xykyëbajtëm ets nyajpatëm agujk jotkujk. Nanduˈunënë Jyobaa ttuny.
6. ¿Wiˈixë Jyobaa tpudëkë pënaty mëët nyaymyayëty?
Jyobaa pyudëjkëbë myëtnaymyaayëbë parë twinguwäˈägëdët ja amay jotmay mëdiˈibë pyattëp. Ixtë BIDEO ets nimaytyäˈäktë mëdiˈibë yä yajtëëpy:
¿Wiˈixë Jyobaa të tpudëkë yäˈädë toxytyëjk parë kyaj axëëk nyayjyawëdët ko tjamyetsy wiˈix të jyaty të kyëbety?
Käjpxtë Isaías 41:10, 13 ets nimaytyäˈäktë mëdiˈibë yä yajtëëpy:
¿Ti Jyobaa tyukmëdunaampy niˈamukë myëtnaymyaayëbë?
Wiˈix mˈokjënäˈäny, ¿mbäädëdaa mëdë Jyobaa nnaymyaˈayëm? Ets ¿tiko duˈun mjënäˈäny?
Pënaty mëët njantsy nyaymyaˈayëm, xëmë xypyudëkëyäˈänëm ko nyajtëgoyˈäjtëm. Nanduˈunënë Jyobaa ttuny.
7. Parë mëdë Jyobaa nnaymyaˈayëm, jëjpˈam ets mëët ngäjpx nmaytyakëm
Ko mas niˈigyë mëët ngäjpx nmaytyakëm tuˈugë mëtnaymyaayëbë, ta niˈigyë ja naymyayë kyëktëkë. Käjpxtë Salmo 86:6, 11 ets nimaytyäˈäktë mëdiˈibë yä yajtëëpy:
¿Wiˈix mbäädë Jyobaa nmëgäjpxëm?
¿Wiˈixë Jyobaa xymyëgäjpxëm?
Ja nmëgäjpxëmë Jyobaa ko nmënuˈkxtakëm; ets yëˈë xymyëgäjpxëm mä Biiblyë.
NÄÄGË JÄˈÄY JYËNÄˈÄNDË: “Tsip nmëwingoˈonëmë Dios”.
Parë xynyimaytyäˈägët ko mbäät mëdë Dios nnaymyaˈayëm, ¿mëdiˈibë tekstë myajtunëp?
TI TË NJÄJTËM
Jyobaa mmëtnaymyaayëbëˈatanëp ets mbudëkëyanëp parë xymyëwingonët.
Ajamyatsë
¿Wiˈixë Jyobaa tpudëkë myëtnaymyaayëbëty?
¿Tiko Jyobaa tˈanëëmë myëtnaymyaayëbë ets dyajtëgatstëdë jyaˈayˈäjtën etsë jyukyˈäjtën?
¿Mjënäˈänëp ko Jyobaa yëˈë yˈamdoobyë myëtnaymyaayëbëty mëdiˈibë tsip ttundët? ¿Tiko duˈun mwinmay?
AK PAYEˈEY
¿Wiˈix mbudëkëyaˈanyëty mä mjukyˈäjtën ko mnaymyayëdët mëdë Dios?
“Mëjwiin kajaa tsyobääty ko nˈixyˈäjtëmë Jyobaa” (Diˈib Xytyukˈawäˈänëm, 15 äämbë febreerë 2003)
Nijawë ti mbäät xytyuny parë mëdë Dios mnaymyayëdët.
Nijawë wiˈix tuˈugë toxytyëjkë jyukyˈäjtën yˈoˈoyë ko tmëwingoonyë Jyobaa.
“¡Kyajtsë nety nˈoogäˈäny!” (Diˈib Xytyukˈawäˈänëm, num. 1 2017)
Nijawë wiˈix näägë ënäˈktëjk wyinmaytyë mä Jyobaa.