Jantsy oy ko nduˈunëm mä yajkojy ets yajkuentˈaty ja lugäär mä nduˈukmujkëm

Ko ojts yajkojˈyë Diosë tyëjk, ja israelitëty yajtuundë jyot myëjää etsë myeeny syentääbë, per nan tyukˈijt tyukxoondë ja tuunk (1 Crón. 29:2-9; 2 Crón. 6:7, 8). Ets ko net ok dyaˈˈaˈoyëdë, ta dyajnigëxëˈktë ko oyë nety yˈittë mëdë Dios (2 Rey. 22:3-6; 2 Crón. 28:24; 29:3). Tyam, nanduˈun nyajtuˈunëm kajaa xëë tiempë, jot mëjää parë ngojëm, nyajwatsëm ets nyaˈˈaˈoˈoyëm ja Tëjk mä nˈëxpëjkëm ets mä tyunyëtyë asamblee. Duˈunën ja tuk pëky nDiosmëduˈunëm. ¿Këdii jantsy oy ko nduˈunëm mëdë Jyobaa? (Sal. 127:1; Diˈibʉ Jat. 7:15.)

¿WIˈIX MBÄÄT NYAJKËMË NAYBYUDËKË?

• 

  Koogoo nˈëxpëjktäˈäyëm, nˈokˈyajwëˈëmëm tsuj yajxon ja lugäär mä të nduˈukmujkëm. Oy jeˈeyë nˈokˈijxënë parë wyëˈëmët wäˈäts mä të nˈunyaˈayëm.

• 

  Jëjpˈam nyajwatsëm ets nyaˈˈaˈoˈoyëm ja Tëjk mä nˈëxpëjkëm extëm të yajtukniwitsë. Pes ko mayë ää këˈë nyaybyudëkëty, pojën ja tuunk yajtuny ets niˈigyë ndukxondakëm (lv paj. 92 parr. 18).

• 

  Mbäät nyäjkëmë meeny sentääbë. Jyobaa myëjjäˈäwëp ko nyäjkëm amumduˈukjot, oy jeˈeyë “majtskë mutsk meenyuˈunk” diˈib yiˈin waanë tsobatp (Mar. 12:41-44).

• 

  Pën mbäät, nˈoktuˈunëm mä yajkojy o yˈaˈoyë Tëjk mä nDiosˈawdäjtëm. Parë duˈun nduˈunëm, kyaj tyim tsekyëty njäjtëm njëngoj ndëjkojëm.