Job kyaj tmastutyë Dios ko tpatyë amay jotmay

Job tsyënääy Uz, ja tiempë mä ja israelitëty yajtuumbëˈäjttë Egipto. Yëˈë kyaj yˈisraelitëty, per yˈawdäjt xëmë Jyobaa. Mëjë fyamilyë ets tmëdäjty mëjwiin kajaa jukyˈäjt madakën. Mëjkugäjpxë yˈijty mä nyax kyäjpn, pes wijˈyë nety yajnaxëdë ets yˈixëdë ko wäˈäts jyukyˈaty. Nan oyjyaˈay yˈijty mëdë ayoobë jäˈäy ets mët diˈib tijaty yajtëgoyˈajtypy. Job yëˈë tuˈugë yetyëjk diˈib kyaj tmastutyë Dios.

Job yajnigëxëˈk mä jyukyˈäjtën ko Jyobaa yëˈë nety jëjpˈam pyëjtakypy

1:8-11, 22; 2:2-5

• Satanás yˈijx ko Job yëˈë nety tuˈugë yetyëjk diˈib xëmë myëduumbyë Dios ets ko kyaj ti tyëgoˈoyën. Per yëˈë kyaj jyënany ko Job kyaj tmëmëdoyë Dios, diˈibën nyijawëyan, yëˈë tiko nety tmëmëdoy.

• Satanás jyënany ko Job tmëdunyë Dios mët ko ttseky tijaty.

• Parë yajnijawët pën tëyˈäjtën extëmë nety të yajniwäämbety, ta Jyobaa tnasˈijxë parë Satanás tpëjkëtyaˈayëdë Job tukëˈëyë diˈib myëdäjtypy.

• Job kyaj tmastutyë Dios, päätyë Satanás tnijawëyany tiko tuˈuk tuˈugë jäˈäy tmëdunyë Dios.

• Ko Job axëëk jyajty kyëbejty, kyaj tkäjpxpatyë Dios ets ni tkapokyˈijxy.