Mbäädë oˈkpë jyukypyëktë mët ko ojts nyajjuuybyëtsëˈëmëm

Ko nyajpatëm mä yajjamyetsyë Jesusë yˈoˈkën xëë, ja mä mbäät nbawinmäˈäyëm wixaty ndukˈoyˈatäˈänëm ko të nyajjuuybyëtsëˈëmëm. Tuk pëky, yëˈë ko jyukypyëkäˈändë oˈkpë. Jyobaa ninäˈä tkatsejky etsë jäˈäy yˈoogët. Pääty mëkë jäj jëmuˈumën nyajnäjxëm ko yˈoogyë jiiky mëguˈuk (1 Kor. 15:26). Jesus mëk tjäˈäwë ko tˈijxy ja yˈëxpëjkpëty tnijëˈëy tniyäˈäxtë Lázaro diˈibë nety të yˈooky (Fwank 11:33-35). Ets kom duˈun meerë extëmë Tyeety, ta nnijäˈäwëm ko Jyobaa mëk nanduˈun tjawë ko nijëˈëy niyaxëmë nmëguˈukˈäjtëm diˈib të yˈooky (Fwank 14:7). Jyobaa tsyojknëp ets jyäˈtëdë tiempë parë dyajjukypyëkët pënaty të myëdunyëty, ets ëtsäjtëm nanduˈun (Job 14:14, 15).

Komë Dios kyaj oywyiˈix ti ttuny, pääty yajxon ttukniwitsëyaˈany wiˈixë oˈkpë dyajjukypyëkäˈäny (1 Kor. 14:33, 40). En lugäär nijëˈëy niyaxëmë oˈkpë, agujk jotkujk nëjkx nˈaxäjëyäˈänëm ko nety jyukypyëktë (2 Kor. 4:17, 18). ¿Mmoobyë dyoskujuyëmë Jyobaa mët ko të xyjuuybyëtsëˈëmëm ets të xytyuknijäˈäwëm mä Biiblyë ko oˈkpë jyukypyëkäˈändë? (Kol. 3:15).

• ¿Pën diˈib mä mjiiky mëguˈuk o mëtnaymyaayëbë mˈixaampy jatëgok jyukypyëkët?

• ¿Pën mˈixyˈataampy o mëtmaytyäˈägaampy diˈib yajmaytyakp mä Biiblyë?